„Ние отидовме во ’летна‘ сезона, тоа значи 10-15 степени со постојан ветер и ситен дожд како прашина. Интересно е тоа што во овој период денот трае скоро 22 часа, и цело време е светло. Но, Исланд е совршена дестинација заради нереално убавите пејзажи, зеленилата до недоглед, огромните водопади, најцрните плажи, магичните глечери, восхитувачките вулкани, претоплите луѓе кои нè дочекаа …“, раскажува Софија Спасов (28) од Скопје за CRNOBELO.com за медениот месец со актерот Јаков Спасов, син на Драган Спасов Дац.

„Имајќи предвид дека на најголем дел од тропските дестинации е зима во периодот јули/август и сезона на дождови, доста истражував која е најдобра опција за патување дојдов до информацијата дека климата на Маурициус преку целата година е пријатна и топла. Летавме до Истанбул и оттаму речиси 10 часа до Маурицис, каде нè дочека вистински рај..., раскажува Сања Коцева (29) од Штип за CRNOBELO.com.

„4 авионски билети до Болоња чинеа 140 евра, од таму фативме воз. Посетивме повеќе комерцијални места низ Италија, без да потрошиме многу, пари, со добар план и организација се успева дури и со мали деца“ – раскажува за CRNOBELO.com семејство Данилоски од Скопје кои беа на „авантура на буџет“ низ Италија.

„Во Португалија четири дена шетавме, а четири дена бевме во класично туристичко место со многу плажи. Лисабон е неверојатен, типично декорираните згради со традиционални португалски плочки му даваат посебен дух на градот, заедно со трамвајот. Од другиот дел пак ме воодушевија огромните плажи со ситен песок, формациите од карпи и познатата адреналинска тура со брз брод со која се влегува во сите недостапни и пусти плажи на брегот, но која не се препорачува за фамилии со мали деца, бидејќи е навистина адреналинска …“, раскажува Никица Ацева (25) од Скопје за CRNOBELO.com.

„Дубаи го препорачувам како дестинација за одмор во есен и пролет, на лето температурите достигнуваат и до 50 Целзиусови степени, а тоа и зачинетата храна се работите кои најмалку ми се допаѓаат тука, инаку раскошот е насекаде, тука е сè како модна писта – трговските центри, плажите, рестораните, хотелите… Шеиците не се дел од секојдневниот живот, меѓутоа често можат да се забележат на јавни настани.“, раскажува Емилија Коцареска Дуданова (33) од Охрид за CRNOBELO.com.

„Во Амстердам иако има метро, автобуси, трамваи, како и воден сообраќај, сепак најпрактично е да се користи велосипед. Таму ретко кој вози автомобил (поради високата цена на паркинг услугите). Па, така и јас одлучив да го истражувам градот со велосипед“, раскажува Анита Филева (25) од Скопје, вработена во Итна помош, за CRNOBELO.com.

„Искрено, никогаш не се надевав дека ќе имам можност да живеам и работам на Малдиви. Идејата дојде откако добив понуда за работа како тренер по тенис во приватен ресорт. На тема животот на локалците, интересно е што овде 3 пати да си кажете пред сведоци дека се разведувате и веќе сте разведени, па затоа има многу разводи, а белите високи жени им се слабост на локалците“, раскажува Тамара Мартиновска (38) од Скопје, која живее на приватен остров на Малдиви, каде во луксузен ресорт работи како тениски тренер.

Лилјана Клинчарова Ангеловска (32) е туристички работник кој за CRNOBELO.com детално го споделува искуството од дестинациите за летен одмор кои ги посетила досега, со сите позитивни и негативни страни, како и омилените градови од нејзините патувања.

Дарио Тодоровски од Скопје е млад човек кој обожава да посетува нови дестинации и да го открива секојдневието на локалците, како и специфичностите на тоа место.

„Би рекла дека секоја планинарска патека е погодна за деца, со тоа што целта не мора да е секогаш врвот. И нешто што е многу важно, е тоа дека децата имаат многу енергија, повеќе од нас, само треба малку да им направиме да им е интересно за време на пешачењето, бидејќи знаат да изгубат интерес и да им стане здодевно, па тогаш велат дека се уморни“, вели Ирена, која заедно со сопругот Бојан нивните две деца Ева (12) и Андреја (9) и нивното куче Марфи, секој слободен миг го користи за истражување на македонските планини. „Турни ме да кинисам“ е нивното мото...

„Не возиме повеќе од 300km од една до друга дестинација, рекорд без синот да мрдне во кола е 900km, од Скопје до Будимпешта. Се разбира со дете од 2 години сѐ е потешко и сѐ се модифицира според него” – открива за CRNOBELO.com Драган Тапшанов кој во моментов со синот Марк и сопругата Едит со автомобил и камп приколка патува до Норвешка.

„Платите се екстремно мали, а и кога имаат малку пари за да си дозволат храна, се чекаат редици за да си купат најосновни намирници. Работевме од 5 часот наутро, за да можеме да го фатиме добриот интернет пред да почнат другите луѓе да се будат“ – раскажува за CRNOBELO.com Кика која престојувала месец и половина во Хавана за да ја искуси Куба како локалец.

„Локалците во Велс за викенди не ги прашувајте да работат - нема шанси! Го ценат слободното време и викендите што е многу убаво да се види, спонтани се и опуштени. Заливот на Кардиф ми е омилен за прошетки, но постојано мора да носите чадор и навистина ми недостига сонце...“, раскажува Мартин Данчев (27) за CRNOBELO.com.

„До селото Радња, каде што се наоѓа една од моите викендички на Кожуф, се стига со џип или пешки, јас пешачам 10km и често сретнувам диви ѕверки. Природата е недопрена и прекрасна со најчистата река, а кога сме се собирале со друштво, често сме имале интересни ситуации со волци, срни и други диви животни“ – раскажува за CRNOBELO.com Даница од Кавадарци, која често ужива во убавините на Кожуф.

„Со Арон сме посигурни во моменти кога сме сами во некоја шума, го регистрира секое движење и звук околу нас и веднаш реагира за да нѐ предупреди, но некогаш е напорно, посебно во лоши временски услови кога ќе влезе во кал или кога сакаме да бидеме брзи...“ – пар од Велес за CRNOBELO.com го споделува искуството со патување низ Македонија со куче и преноќување во природа, под отворено небо и ѕвезди. 

Понекогаш се чудам колку малку време ми е потребно за да се приврзам со некое место…

„Социјалистичка Република Виетнам е пријателски настроена држава и безбедно место за патување, без проблеми. Туристите најчесто се соочуваат со здодевни и нападни продавачи и несигурно возење“ - вели Елена Караџовска која во 2018-та година имала можност да оди во посета на оваа азиска земја и во интервју за CRNOBELO.com открива повеќе детали за тоа што имала можност да го види таму.

„Лисабонците си имаат свое темпо што многу ми се допадна. Си прават одмор за семејството и за самите себе после 14 часот сè до 18-19 часот како што некогаш било и кај нас. Не го прифаќаат темпото на „робот“ и работење 24/7“, раскажува Дивна Милковска (32) од Струмица за CRNOBELO.com.