„Како што веќе сите знаеме, Дарко е камионџија веќе долг период, па дојде и денот и јас да му се приклучам во неговите авантури. Прва авантура ни беше Фестивалот на балони Ново Мексико. Имаше можност и да леташ со балон меѓутоа сè беше резервирано од пред една година“, раскажува Даниела Станковска од Битола за уникатниот Фестивал на балони во Ново Мексико.

„Работата како туристички водич пред пандемијата беше една од најпосакуваните и најпривилегираните професии, но по минатогодишното затворање на границите, живтотите ни се променија од корен... Но, пресреќна сум што успеав островот Крф да ми биде дом 4 месеци и годинава...“, раскажува Силвана Јовановска.

„Предвидовме нашето патување да трае 14 дена и тоа започна од Дубровник, понатаму кон Брач, Сплит, Хвар, Слано. И покрај тоа што Дубровник е мојот фаворит, на ова патување ме освои Хвар.“, раскажува 32-годишната Симонида од Скопје.

Мрази кога ќе му се дупне гума, а на ова патување му се случило еднаш среде ноќ, па морал да преспие во морничав мотел, дневно поминувал до 100km, а од целото патешествие научил многу нови работи – раскажува за CRNOBELO.com Диме Трајановски кој од Македонија стигна до Турција со велосипед.

„За да ги замислите плажите во Доминиканската Република сè што треба да е да ги затворите очите и да ја замислите својата верзија од совршена плажа. Во Доминиканската Република 90% од плажите се со неверојатно сина вода, која е проѕирна до 3 метри, ситен песок кој би сакале да го гледате цел живот“, раскажува 27-годишниот Никола Ѓаковски.

Ќе поразговараме со Марко Џамбазоски (28) од Скопје, уште еден вљубеник во уметноста, патувањето, истражувањето и осознавањето на непознатото.

„Растејќи во Јужна Африка најмногу ме нервирашe што никој не можеше точно да го изговори моето име, ме викаа Бохан или Божан, а во средно прекар ми беше Борис. Таму најмногу ми се допаѓа квалитетот на животот, климата и храната, ноќниот живот и целата природа. Многу е лесно да видиш диви животни како жирафи, зебри, бафала, а сакам да ги посетувам и резерватите, кои се дом на лавови, гепарди и слонови.“, раскажува Бојан Најдов.

„Бевме сместени на две места – во Саранда и Химара, но шетавме по целата албанска ривиера … Од ресторани до плажа – што ми се допадна најмногу?“, споделува Сандра Киров за CRNOBELO.com.

„Одењето до продавница и назад одзема најмалку два часа од твојот ден. Сè е далеку. Сè е големо и пространо. За сè е неопходно добро планирање. Најголем предизвик е храната. Сè е тука благо, дури и лебот. Дружењето е со закажување. Не е како кај нас. Нема „ајде на кафе попладне“, туку „што правите на 23-ти месецов за да се собереме““, раскажува Наташа за животот на Флорида и во Северна Каролина.

„Во Сао Паоло наидовме на населба која беше преполна со бездомници што постојано ми предизвикуваше чувство на „Каде дојдовме?“ Случајни минувачи нè советуваа да внимаваме, една девојка ни пријде да нè праша буквално „Што барате во оваа населба?“. Загрижена и свесна за сè она што може да наидеме нè советуваше личните работи и телефоните да не ги држиме во рака со цел да привлекуваме помалку внимание...“, раскажува Даниела од Скопје за посетата на Бразил.

„Мексико е незаборавно искуство, но локалците во внатрешноста на полуостровот живеат во трошни куќи, без тротоари на патиштата, без канализација, со многу слаб пристап на телефонска мрежа и речиси непостоечка интернет конекција, наспроти оние коишто живееа до крајбрежјето коишто функционираа нормално како кај нас.“, раскажува 32-годишната Марија од Скопје.

„Омилен дел од Лондон ми е тешко да изберам, но онака најмногу при срце ми е Нотинг Хил. Инаку имав можност да прошетам низ различни делови на Велика Британија, најголем впечаток и место на кое се навратив е Шкотска. Предел со прекрасна природа, архитектура и пејзажи...“, раскажува Теона Манго (23) за животот во Велика Британија.

„Најмногу истражувавме како да пристигнеме до крајната дестинација Ксамил, но притоа да се одбере најсоодветниот пат. По долгото размислување наместо преку граничниот премин Ќафасан, заминавме преку границата со Косово „Блаце“...“, ја почнуваат својата приказна Дарко и Верче од Скопје.

Сања Коцева е докторка од Штип која имала среќа 2 месеци да живее во Валенсија и да почувствува каков животен стил водат локалците. За овој шпански град, од каде носи само најубави спомени, таа раскажува за CRNOBELO.com…

„Баш се изненадив од цените, очекував да се многу повисоки, но прилично многу се слични со оние на Халкидики – Касандра, дури и на најпознатата Црна плажа на Санторини, но хотелското сместување чини многу повеќе од кое било друго место во Грција. Од Атина до Санторини се патува 8 часа со траект...“, раскажува Мими Анастасова од Скопје.

„Црвеното Море е најчистото, најтиркизното, најтоплото и најсоленото море во кое сум пливала, познато по преубавите корални гребени. Во склоп на сафари турата имаше јавање камили, но тоа беше само кратка прошетка од 2 минути и сè помина во најдобар ред, на подолго не би се нафатила.“, раскажува 24-годишната Никица Ацева за Хургада, Египет.

Кратко по свадбата архитектката Душица Андоновска со својот сопруг хрватскиот репрезентативец и поранешен ракометар на Вардар Игор Карачиќ отиде на одмор на Малдиви … „Во вода имаше baby sharks постојано, тие се мали ајкули со големина од 20/30 сантиметри и не се опасни за луѓето, но навечер во еден дел од ресортот знаеше да се појави и некоја со големина од 60/70 сантиметри што беше интересно за гледање …“, раскажува таа.

Од Мексико до Бангкок, преку Мајами и Њујок, до Данска и Шпанија, нејзиниот пасош брои многу печати, а таа брои спомени, доживувања и пријателства. Вели дека најшармантни се Латиноамериканците, ги обожава мексиканските плажи, а што се случува во Лас Вегас, таму и останува. За Славица Момировска (32) од Гостивар патувањата се храна на душата и едвај чека да заврши пандемијата за да ги спакува куферите со карта за Доминиканската Република...