„Гледањето китови е дефинитивно една од факултативните екскурзии што секој треба да ја посети. Китовите навистина изгледаа импресивно и грандиозно и ова беше спектакуларно и незаборавно искуство“ - вели за CRNOBELO.com Стефан Спирковски, кој беше на патување во Исланд.

Oд црни бикини до зелени лелеави комбинации, близначките Марија и Магделена Гаврилови од Кочани блеснаа модно усогласени на патувањето на Сејшели. Тие ги споделуваат своите впечатоци оттаму за CRNOBELO.com.

„На прашањето „Дали би се вратила ли да живеам во Македонија некогаш? искрено ќе кажам, би се вратила да живеам во Македонија. Верувам дека таму постои голем потенцијал за создавање убав живот, успешен бизнис и стабилно семејство“, вели Нина Каранфиловска (25), која живее во унгарското гратче Шалготарјан.

„Без разлика дали ги сакате или мразите, борбите со бикови во Шпанија се многу привлечни за љубопитните луѓе од целиот свет, а многу експерти ги сметаат за национално и уметничко богатство“, вели скопјанецот Боро Секуловски, кој неодамна посети десетина града во Андалузија.

„Во текот низ годините, поради носталгија и емоции за родниот крај, моите родители постојано нè ‘шетаа’ oд Австралија до Македонија и назад, но во Австралија одев на училиште...“, ја започнува својата приказна Кристијан Шемко за CRNOBELO.com.

„Како пловевме низ каналите, така почнаа воздишките предизвикани од убавините пред нас - куќи на вода, мостови, црквички, зеленило... Градбата на куќите и самата декорација околу нив изгледаа многу автентично и сосема поразлично од сè што сум посетил“, вели кичевчанецот Христијан за посетата на Хитхорн, уникатното место во Холандија.

„Сите што сакаат да ја направат познатата фотографија, обично букираат втора или трета класа, каде што се отвораат прозорците и вратите. Возот се движи многу бавно, но секој совесен турист треба да знае дека не треба да се доведе во животозагрозувачка ситуација за една фотографија за Инстаграм“, споделува Александра од Скопје за CRNOBELO.com за посетата на Шри Ланка.

„Ноќниот живот тука е многу 'ослабен' по ковидот. Локалците пијат дома пред излегување поради цената на пијачките во баровите. И повеќе се излегува по ресторани и барови, отколку во дискотеки, а обично луѓето си одат дома пред полноќ“, вели Кјара Гоља од Скјопе, која на 17 години се пресели на Нов Зеланд.

„Девојките сè уште ја негуваат „белата убавина“ и многу се заинтересирани за белата раса. Во Кина може да си порачате дури и монтажна куќа онлајн, ме нервира само што имаат поразлична перцепција за бон-тон и немаат чувство за личен простор“, раскажува Никола Трајковски (29) од Скопје.

„Во Рио резервиравме хостел, кој беше на околу 3 минути пешки од Копакабана и за 12 лица плаќавме околу 4.000 денари од вечер. Цените се преефтини, иако условите не беа многу задоволителни“, вели Стефани за CRNOBELO.com, која преку игроорна беше на фестивал во Пасо Фундо, а потоа и во Рио де Жанеиро.

„Кога дојдов, буквално доживеав културолошки шок. Кинезите подждригнуваат, испуштаат гасови и плукаат без пардон и тоа им е нормално“, вели Драгана за CRNOBELO.com, која веќе 9 месеци живее во Пекинг, а работи за Олимпискиот комитет на Кина.

„Бев 3 недели во Канада, а оттаму, по 6-часовен лет стигнав во Лисабон. Првпат патувам сама, на моменти беше застрашувачко и осамено, но уживав во овие 6 дена со добра музика, храна и вино низ прекрасните паркови, стрмните улички со шарени згради, музеи.лисабон има топлина и добри луѓе кои по улица ти посакуваат добар ден“ – раскажува за CRNOBELO.com Илина Димовска од Скопје и споделува совети од нејзиното искуство. 

„Шаторот ни го монтираа од фирмата каде што го купивме. Монтажата траеше не повеќе од половина час. Потоа тој си стои постојано врз кола, исто како туле, а заштитен е со церада. Отворањето трае 2-3 минути, исто колку и негово склопување“, вели Маја Кикириткова за CRNOBELO.com. 

„Сместувањето за 5 дена може да чини од 700 до 30.000 евра од личност. Има ресторани во кои мора да потрошите минимум 150 евра по човек, што е непотребно фрлање пари“, вели фотографот Стефан Соколовски за летувањето на Миконос.

„Најскапите лежалки беа 35 евра на плажата Тре Ишујт, 30 евра на Бора Бора, а на останатите плажи по 20 евра. Цените на рестораните во Ксамил и Саранда се како да седите во центарот на Охрид и Скопје“ – вели во интервју за CRNOBELO.com Спасе Манев, туристички водич кој ова лето беше на одмор во Албанија.

„Најголемата причина што сега отидовме во Мексико, беше свадбата од еден од најдобрите другари на мојот сопруг. Свадба беше на плажа, а имаше музика од двете држави, Македонија и Мексико. За македонскиот репертоар бев задолжена јас, па имаше свадбарски песни, но и песни од нашиот Тоше“, вели Маринела за патувањето во Мексико.

„Посетив 7 острови, од кои 2 беа луксузни хотели за туристи и 5 локални острови каде што живеат луѓето од Малдиви. Разликата помеѓу двата типа на острови е тоа што на локалните е забранет алкохол и само на одреден дел од плажите е дозволено да се носат бикини“ – раскажува во интервју за CRNOBELO.com, Ана Колевска, стјуардеса која се пресели на Малдиви.

„Во Милацо се запознавме со локален угостител кој беше пријателски настроен и ни раскажа за сицилијанската мафија, нивниот начин на живот“, вели диџеј Мац, кој неодамна со сопругата го посети овој италијански остров.