Вирално видео: Девојка заврши со скршен нос откако Мбапе ја удри со топка - тој истрча да ѝ помогне, а таа е на седмо небо

Детали

понеделник, 29 мај 2023

„Му станува навика да ги крши носовите на обожавателите“ – коментираат дел од твитерџиите што го видео видеото во кое се гледа како Килијан Мбапе се обидува да ѝ помогне на обожавателката, која претходно ја удри со топка додека се загреваше. Ова не е првпат негов обожавател/ка да заврши со скршен нос. Но, добро е што ѝ помага, а девојката и покрај сè е среќна.

Еднаш е ненамерно, а кога истата несреќа ќе се случи по вторпат, тоа веќе станува навика, се шегуваат фановите на фудбалерот Килијан Мбапе.

На социјалните мрежи кружи видео од Мбапе кој изминатиот викенд за време на загревањето пред натпреварот со Стразбург, повторно успеа со топка да удри еден од гледачите на трибините.

Истото се случи на Светското првенство во Катар, но сега со повреди се здоби една млада девојка.

Un balón de Mbappé golpeó a una aficionada en la tribuna. ⚽

De inmediato, Mbappé fue a ella y se aseguró que tuviera atención médica. 👏

(vía @Ligue1UberEats) pic.twitter.com/px1Mby4pO1

— ESPN Deportes (@ESPNDeportes) May 27, 2023

Во саботата (27.05), Килијан Мбапе настапи за својот тим ПСЖ, но пред натпреварот додека се загреваше, топката одлета во трибините и овојпат заврши во носот на една млада девојка, на која мораше да ѝ биде укажана лекарска помош заради обилното крвавење на носот.

Килијан веднаш се упати кон публиката за да види дали девојката е добро, а на социјалните мрежи се споделува видеото на кое се гледа како тој ја придржува девојката и ја носи кон ложата, каде подоцна ѝ укажуваат лекарска помош.

Сигурно девојката долго време ќе го помни натпреварот кога отишла да навива за својот омилен играч, но, дома си заминала со повреда на носот и среќна затоа што сепак имала можност да го запознае.

Инаку, ова не е првпат Килијан Мбапе со „проектил“ да погоди обожавател на трибините.

Истото се случи за време на Светското првенство во фудбал во Катар, кога францускиот играч за време на загревањето со топка удри еден од навивачите на неговиот тим.

„Не ми се верува дека крвави од топка“, „Изгледа Мбапе обожава да ги крши носовите на своите обожаватели“, „Ми се допаѓа што веднаш отиде да ѝ помогне“ – велат дел од твитерџиите во коментарите.

Погледнете го видеото:

Kylian Mbappé goes over to check up on a woman he accidentally hit with a shot, during the warm-up in Strasbourg.

(📽@Footballogue)pic.twitter.com/kWHgDXET2v

— Get French Football News (@GFFN) May 27, 2023

Прочитајте и По врската со трансродова личност, го поврзуваат со поранешната девојка на колега – Бурниот љубовен живот на Килијан Мбапе

Б. С. Б. | Црнобело