Договорила романтичен состанок со Ештон Кучер, но била убиена: Детали за злосторствата на „убиецот од Холивуд“

Во 2001 година, Ештон Кучер имал договорено состанок со млада девојка. Кога отишол кај неа, не му отворила и помислил дека излегла без него бидејќи доцнел. Но, следното утро било пронајдено нејзиното мртво тело со над 40 убоди од нож.

Мајкл Гарџуло ќе остане запомнет како убиецот од Холивуд поради убиството на три жени и обидот за убиство на четврта жртва.

49-годишниот Мајкл бил мајстор кој се преселил во Калифорнија наводно со надеж да стане актер.

За убиствата му беше изречена смртна казна која не е спроведена поради промена во законите, па моментално е во затвор.

Убиецот е одговорен и за смртта на Ешли Елерин која ноќта кога била убиена, имала договорено романтичен состанок со актерот Ештон Кучер.

Што знаеме за озлогласениот убиец и неговите жртви?

Триша Пакачио

Првата жртва на Мајкл за којашто се знае е Триша Пакачио која имала 18 години и само што завршила средно. Убиецот бил помлад – имал 17 години.

Наводно, Триша била сестра на пријател на Мајкл и го познавала. Живееле и во исто соседство во Илиноис.

Тој ја нападнал пред влезот на нејзиниот дом и ѝ нанел 12 убодни рани со нож. Телото на девојката било пронајдено следното утро, од страна на нејзиниот татко.

Мајкл уште не бил на суд за ова убиство и случајот со години беше нерешен, но благодарение на ДНК анализа, надлежните потврдија дека тој е одговорен.

Сепак, тоа што истрагата стоела во место му дало време на Мајкл да се пресели од Илиноис во Калифорнија.

Ешли Елерин

По бегството во Калифорнија, Мајкл работел како мајстор, а според неговиот профил на IMDb, се појавил и во студентски филм. Па, се претпоставува дека се обидувал да стане и актер.

Но, во 2001 година го извршил второто убиство – ја убил 22-годишната Ешли Елерин.

Ешли пробувала да се пробие како модна дизајнерка, кога го запознала актерот Ештон Кучер на роденденска забава.

Тогаш и таа и актерот биле во други врски, но се спријателиле. Кога и двајцата раскинале со нивните партнери, решиле да отидат на романтичен состанок.

Се договориле да излезат на 21-ви февруари 2001 година – ноќта кога Ешли била убиена.

Околу 22 часот, актерот ѝ се јавил на Ешли за да ѝ каже дека доаѓа кон нејзиниот дом, но таа не му одговорила.

Неполн час подоцна, стигнал пред нејзината куќа во Холивуд.

„Тропнав на вратата. Никој не ми одговори. Тропнав уште еднаш и уште еднаш – нема одговор.

Тогаш веќе почнав да мислам дека излегла, дека задоцнив и се разочарала“, изјави актерот за време на неговото сведочење во судница.

Ѕирнал низ прозорецот од дневната соба и единствено забележал истурено црвено вино на тепихот. Вели, не помислил ништо во врска со виното и си заминал.

Ешли имала цимерка која се вратила дома следното утро и таа го нашла нејзиното мртво тело.

22-годишната девојка имала над 40 убоди на телото, а истуреното вино што го видел Ештон, всушност била нејзината крв.

Но, ни за ова убиство, полицијата не можела веднаш да го лоцира убиецот.

Продолжува на следната страница...