10-те најпребарувани филмови и серии на Google за 2022 година (кои вреди да ги изгледате)

Euphoria

Серијата првпат почна да се емитува во 2019 година и e една од причините зошто Зендeја е можеби најпопуларната млада актерка на денешницата.

Во серијата, Зендeја глуми средношколка која има проблеми со зависности и менталното здравје. Покрај неа, гледаме уште неколку средношколци со слични проблеми.

House of the Dragon

House of the Dragon е спин-оф серија од популарната Game of Thrones и се фокусира на семејството Таргериен.

Дејството на серијата е сместено околу 200 години пред настаните во Game of Thrones и опфаќа дел од историјата на семејството, вклучувајќи го и неговиот пад.

Веројатно би можеле да ја следите серијата и без да ја изгледате Game of Thrones, но сепак е препорачливо да почнете со неа.

Moon Knight

Moon Knight мини-серијаta е инспирирана од стрип на Марвел со истоимениот лик.

Главниот лик, Стивен Грант, открива дека добил моќи на египетски бог на Месечината. Сепак, набрзо сфаќа дека покрај предностите, со вакви моќи доаѓаат и многу недостатоци.

Ова е една од многуте серии на Марвел, но нема потреба да гледате ништо дополнително за да можете да го следите дејството.

The Watcher

Хит-серијата на Нетфликс е снимена според вистински настан од кој сигурно ќе ве полазат морници.

Главните ликови се маж, жена и нивните две деца, кои се вселуваат во нова куќа.

Но, набрзо почнуваат да добиваат морничави писма од личност која се потпишува како „Гледачот“ и која им кажува дека постојано ги набљудува.

https://www.youtube.com/watch?v=5HDkw100sXQ&

Inventing Anna

Уште една серија направена според вистинска приказна, овојпат за озлогласената Ана Сорокин.

Сценаристката и продуцентка Шонда Рајмс се инспирирала за серијата кога прочитала статија во магазинот New York за Ана и нејзините измами.

31-годишната жена се претставувала како богата наследничка за да стане дел од најелитните кругови во Њујорк, а поради ова фалсификувала бројни документи.

Користејќи ги овие лаги, таа успеала да изнуди огромни суми пари, услуги и скапи подароци, пред да биде фатена.

Спирова С. | Црнобело