Спасени животи, спортски успеси – убави моменти по кои Македонците ќе ја помнат 2021

17. Тројца момци облечени како Спајдермен, Бетмен и Дедо Мраз, како и девојка облечена како Супермен, ги развеселија дечињата во Детската клиника во Скопје и дефинитивно им ја разубавија оваа зима.

18. Александар Илиевски со пливање го заобиколи Охридското Езеро – првиот пливач кој успеал да направи ваков подвиг. Александар исплива дури 71 километар, во период од 15 часа 21 минута и 38 секунди.

19. Во Националниот парк Маврово беше фотографиран балкански рис со фотозамки. Неколку децении, сè до 2020 година, балканскиот рис не беше забележан во Македонија, а сега, во рок од една година, беа забележани две единки!

20. На Козјак, речиси веднаш до локалот „Аурора Козјак“, беше забележано стадо диви коњи. Навистина ретка глетка, особено кога ќе се земе предвид колку многу се доближиле до локалот.

21. Доктор Ненад Лазаров организираше два мобилни тима кои одеа во посета на пациенти заразени со корона вирусот, но и кај пациенти со други медицински проблеми. Тој и неговите тимови им помагаа на пациентите кои од разни причини не можат самите да отидат во болница.

22. Фризерот Адо Мурис Хамзиќ од Скопје го потстрижа неговиот најмлад клиент на паркингот пред неговиот салон, само за да не плаче.

23. Ова беше среќна и успешна година за Скопје ЗОО, каде што се родија неколку животинчиња – алпака, лемур, мајмунче и верверички. Истовремено, во зоолошката беа донесени и шест нови пингвини кои ги крстија по пингвините од анимираниот филм „Madagascar“.

24. Македонија имаше многу добар пласман на овогодишната детска Евровизија, а нашите претставници испратија моќна порака со нивната песна. А, нивниот настап како да нè сплоти бидејќи на социјалните мрежи немаше ништо освен пофалби и комплименти за нив.

Спирова С. | Црнобело