Имаме млади луѓе со срце планина: Спајдермен, Бетмен, Дедо Мраз и Супермен ги развеселија дечињата во Детската клиника во Скопје

Детали

четврток, 23 декември 2021

Детската насмевка нема цена, особено кога станува збор за болни дечиња. Браво момци и девојко херои! И годинава бевте светла точка во нашето секојдневие.

Двајца момци облечени како Спајдермен и Бетмен традиционално ги развеселија дечињата на Детската клиника во Скопје. Овојпат со нив беше и Дедо Мраз, но и девојка во улога на Супермен.

Екипата секоја година им приредува ваква забава на најмалите.

Оливер Петрески, кој е еден од нив, за CRNOBELO.com вели:

„Не треба многу за да усреќите некого, особено што за дечињата тоа што за нас е малку за нив е многу. Ова го правиме по третпат.

Поделивме многу пакетчиња, носевме полни ранци. Идејата е лично наша, ние всушност сме тимот за спасување на планина на Црвен крст на град Скопје.

Можете да нè најдете и на Инстаграм. Најсреќни сме кога шириме среќа, особено кај најмалите.“

Потег за пофалба:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело