Сара Мејс горда на сопругот: „Среде невреме помогна на непознат човек – на него имаше 20l вода и го маваше град“

Детали

понеделник, 24 јуни 2024

Колкумина од вас во најголемото невреме би застанале да му помогнат на непознат човек на улица? Сара Мејс е горда на својот сопруг и објави видеа во кои покажа дека тој накиснал до гола кожа додека правел хумано дело низ улиците во Скопје.

Скопје вчера (23.06) беше погодено од невреме со силен ветер, дожд и град, а голем број Скопјани се најдоа затекнати од ситуацијата низ улиците на главниот град, каде глетките беа апокалиптични.  

Нашата пејачка и харфистка Сара Мејс, на Инстаграм сподели неколку видеа во кои покажа дека е горда на нејзиниот сопруг Димитар Атанасовски, кој воопшто не се грижел дали ќе биде накиснат од дожд и измаван од силниот град додека се потрудил да му помогне на непознат човек.

„Застана со кука да го влече, да помогне на рандом човек на патот, затоа што е великан, е затоа.

Со две деца заспани во автомобилот, со правење жива вода, заради чистата намера да помогне некому, со муабетот дека и ‘тој кога би можел би го направил истото’...

Не за сликање колку е хуман за на Инста, не за на Фејсбук, не за ‘еве јас што направив’... Просто зашто е ретко добра душа. Голем човек си Димитар Атанасовски, затоа Универзумот те сака“ – му порача Сара на сопругот.

Таа сподели уште едно видео и фотка на која се гледа дека Димитар, на себе по завршеното хумано дело имал 20l  вода и бил изудиран од град, а објави и една фотка на која позира до него, па напиша:

„Аквамен и јас!“

Б. С. Б. | Црнобело