Марија Микиќ од болнички кревет во Истанбул: „Не фарбав јајца со моите деца, нема да сме заедно на празник – имав операции“

Детали

сабота, 19 април 2025

„Вчера не бев со моите деца да фарбаме јајца. Нема да бидам ни утре, на најрадосниот празник. Мама забележа дека не е добра ни за себе ни за другите, а најмногу дека веќе не е така добра кон своето најголемо богатство, своите деца, a состојбата се влошуваше. Вчера имав две операции во еден ден“ - напиша Марија Микиќ во емотивна објава од болнички кревет во Истанбул. 

Српската пејачка Марија Микиќ секогаш е искрена за сите борби во животот - од борбата со неплодност, па моментот кога ги доби двете деца и сите останати проблеми со кои се соочувала низ годините. 

Овој пат, среде најголемиот христијански празник, Марија објави фотографија од себе во болница во Турција. 

Таа откри дека имала две операции во еден ден на гласните жици, откако претходно поминала долг период барајќи што е проблемот кога состојбата се влошувала. 

Во емотиовниот текст, таа напиша:

„Вчера не бев со моите деца да фарбаме јајца. Нема да бидам ни утре, на најрадосниот празник. Она што е поголемо од сите нас, од секоја љубов и повредно од секоја пара, е нашето здравје.

Секоја лекција која ми се случи во последните година дена, ја научив на потешкиот начин, како и тоа дека кога ќе паднеш – мора да станеш уште појак.

А што ќе се случи кога ќе се измориш од паѓање, кога мислиш дека веќе не можеш да станеш, а камо ли да полеташ? Вчера не бев дома со своите деца да фарбаме јајца.

Сега, кога таман пораснаа да знаат, да им објаснам, да зборуваме, да се шегуваме, дa боиме, мама не можеше и не е тука.

Мама вчера имаше две операции во еден ден. Мама забележа дека не е добра ни за себе ни за другите, а најмногу дека веќе не е така добра кон своето најголемо богатство, своите деца.

Мојата состојба се влошуваше со тек на време додека не најдовме решение тука – во Истанбул. Односно, други луѓе го најдоа, ми помогнаа, ми пружија рака за спас, ми дадоа некоја нова надеж.

Сакам цел свет да знае каков човек си и што направи за оваа девојка што го пишува ова, Емина Јаховиќ. Сега повторно да почне да мечтае и да ги оствари своите соништа.

Отстранивме 3 цисти од гласните жици, за кои не ни знаев дека постојат, и покрај очајното барање на проблемот и тропање од врата на врата.

Сега мама е уште подобро. И ќе бидам уште повеќе, бидејќи знам колку вредно работевме и уште колку убави работи чекаат на нас. Сè помина баш како што требаше.

Сега следи потешкиот дел, закрепнување. Ја имам мојата љубов пред мене и моите пилиња кои ме чекаат дома. Уште имам мајка и татко на екранот на телефонот да ми се јават и да прашаат како сум. Семејство и здравје. Не ми треба повеќе од тоа. И да знаеш ти таму горе, сè научив.

Ви посакувам среќен празник и да го поминете со своето семејство, бидејќи само тоа на светот нема цена.

И тек ќе ви пеам, како што вели докторот, уште 100 години.

Ќе ви зборувам детално за ова кога ќе дојде време, кога целосно ќе закрепнам. Ве сака Мара“.

М. М. | Црнобело