„Синот Лука повеќе личи на мајка и супер што е така, бидејќи Марина е поубава. Но, има и премногу сличности со мене, особено во карактерот, во начинот на гушкање, во начинот на радување, кога е среќен, страста што ја покажува кога нешто сака да добие“, раскажува за CRNOBELO.com пејачот Јоце Панов и ни откри како се снаоѓа како татко.

„Ќе ja прифатам титулата за најсексапилна пијанистка, звучи прилично жешко. Но искрено, не се гледам себеси на тој начин и не размислувам за себе во такви услови. Кога си свој, што е важно што велат критичарите? Тие секогаш ќе најдат нешто да критикуваат, а јас само сакам да го правам она што сметам дека е правилно и искрено за мене“, вели во интервју за CRNOBELO.com пијанистката Лола Астанова, која на 2 јуни ќе одржи концерт во Македонската филхармонија во Скопје.

„Сакаме работите да ги добиеме веднаш. Секоја порака и секој лајк што го добиваме нè наградува и прави да се чувствуваме убаво, па стануваме зависни од тоа. И доколку тоа задоволство  се намалува, тогаш предизвикува тага, депресија, анксиозност и лошо здравје. И тогаш луѓето задоволствата ги бараат во лековите, алкохолот, цигарите, дрогата, храната, коцкањето, социјалните медиуми. Прифатете ја вистината дека вие сте одговорни за сè што ви се случува во вашиот живот. За вашите мисли, емоции, чувства, одлуки, зборови...“ - вели Катерина Ангеловска за CRNOBELO.com и советува како да си го подобрите животот. 

„Со сопругот се запознавме во Струмица. Тој беше дојден да игра кошарка и така ја започнавме нашата врска, која подоцна премина во брак. По една година живеење во Струмица заминавме во неговото родно место Далас. Најголем предизвик ни беше кога ја добив дијагнозата рак, но тој ми е неверојатна поддршка...“, вели Македонка Палифрова Брукс (35), која е сопственичка на 7 градинки во САД и е пример како треба да изгледа борбата со оваа тешка болест.

„Возам велосипед и на 40 степени во лето и на 3 степени зиме. Толку многу ме поврзуваат со тоа што понекогаш кога поминувам некој ќе ja потпевне песната: „Девојката со точакот“. И велосипедот не ме спречува да ги носам своите најубави фустани и високи црвени потпетици“, вели инспиративната Рената Трајчевска (50) за CRNOBELO.com.

„Моето детство во Македонија денес ми изгледа како сон. Во тоа време не бев изложена на она на што се изложени децата сега. Пораснав во селото Бразда. Се качував на црешите, берев разни овошја и зеленчуци од нивите, готвев со баба ми. Тоа беше еден од најдобрите периоди во мојот живот“, раскажува во интервју за CRNOBELO.com актерката Симона Живковска, која македонската публика ја запозна преку улогата во филмот „Black Widow“ со Скарлет Јохансон.

„На Велигден“ од Џокси денес е вистински евергрин и не поминува Велигден без неа, но далечната 1990-та година, кога првпат ја снимил песната, првите луѓе на Македонското радио не сакале да ја пуштат во етер, а го исмеале со зборовите: „Што, ти не си способен па молиш Бога да фатиш женска“? – Џина Папас Џокси во интервју за CRNOBELO.com раскажува детали за песната, за приватниот живот и за кариерата.

„Мојата љубов за македонската музика започна со мојата баба Стојне. Секогаш кога одев кај баба и дедо слушавме музика и заедно си пеевме“, вели за CRNOBELO.com Кајла К. (14), македонска тинејџерка родена во Мелбурн, која до сега сними три фолк-песни.

„Кога се преселив во Америка пеев со брат ми во македонскиот ресторан „Скадарлија“ тука во Чикаго, но се пензионирав и сега водам поинаков живот. Инаку, многу сакам штипска пастрмалија и едвај чекам повторно да ја посетам Македонија“, вели за CRNOBELO.com Никола Пауновиќ, кој пред 15 години беше еден од милениците на публиката во шоуто „Операција триумф“.

„Во Македонија се прават многу вакви типови на нехируршки естетски зафати. За среќа, не во таква масовност како во соседна Србија и Албанија, каде што желбата за „совршеност“ ги довела пациентите да изгубат од индивидуалноста и сите личат меѓу себе како една личност...“, вели д-р Нена Миовска Јорданов (33) за CRNOBELO.com.

Магдалена Трајкоска (34) од Скопје е пример за херојска истрајност, триумфално извојување на војна со три битки, и радосен и насмеан распламтен дух. За CRNOBELO.com таа ни раскажува за нејзините три тешки борби со ракот. Првиот пат добила рак на дојка, вториот пат рак на црн дроб, и третиот и последен рак на карлица. Нејзината приказна е пример за тоа како среќата и ведриот дух помагаат за победата на ракот; и како после толку удари од животот, некој може да се крене во новонајдена среќа, радост и мир.

„Пред 6-7 години, мојата телесна инвалидност се влоши, па гледајќи фотографии низ интернет, моето хоби станаа растенијата во домот. Првото растение беше едно мало алое, кое за жал не успеав да го сочувам. Живеам во стан (без тераса), каде имам простор од околу 15m2 и во него имам околу 300 видови растенија“ – вели во интервју за CRNOBELO.com Сузана Божарова која на социјалните мрежи редовно споделува фотографии од големиот број растенија што ги поседува.

„Еден ден го заборавивме дома Кирил. Сара излегла до продавница и ни кажала на мене и Илина, ама не сме ја чуле. Во меѓувреме, ние се договараме да одиме до друга продавница и возејќи натаму ја гледаме Сара како се враќа со ќесите накај дома и сфаќаме дека Кирил е сам. Со 300 на саат се вративме, а тој лабав, си се заиграл со играчка, не ни приметил дека е сам дома“, раскажува Димитар Атанасовски за CRNOBELO.com за најголемиот гаф што го направил како татко.

„Наполитанските пици се најпопуларни, а во последните години на пиците почна да им се додава сè и сешто. Обожавам да испробувам нови пици, но не во пицеријата каде што работам. Одам на други места за да пробам нешто ново и ако е можно да се инспирирам“, открива за CRNOBELO.com Јордан Џуклев од Велес кој работи како пица мајстор во една од најпознатите пицерии во Љубљана. 

„Одеднаш ми кажаа дека имам рак на двете дојки, а ништо не чувствував. Имав тогаш среќа, ме поврзаа со Љубљана и веднаш отидов да се оперирам. Лекарот остави на мене да размислам што ќе направам, а јас решив да ми ги отстрани двете дојки наеднаш. Не беше премногу зафатено местото, а знаев дека може да се повтори. Веќе имав две ќерки, сопруг, бев реализирана. Фала Богу сега немам ништо. А тогаш примав и слаба хемотерапија, морав зашто ги отстранив дојките“, раскажува во интервју за CRNOBELO.com една од омилените дами на македонската фолк-музика Виолета Томовска.

„Да се има сопруг пилот има убава страна, а тоа е можноста за често патување, па кога работи некоја привлечна дестинација, одам како патник на тој лет и заедно истражуваме нови дестинации. Но, сега со деца, тоа е малку потешко. Така што да си жена на пилот, значи поминување доста време одвоена од сопругот, но Давид е прекрасен и повторно би ја донела истата одлука“, вели Рената Сердоз (30) од Скопје, чиј сопруг е од Крањ, Словенија.

„Со сопругот се обидувавме да имаме дете отприлика две години, иако бевме опуштени и ни на крај памет не помисливме дека имаме проблем. Јас тогаш имав 30 години, сопругот 34. Потоа, почнавме да се сомневаме дека можеби сепак нешто не е во ред и постепено почнаа сите прегледи... Не е толку тешка самата борба со неплодноста, туку да се соочиш со реалноста дека имаш проблем и зошто баш тебе ти се случува тоа“, раскажува за CRNOBELO.com Христина Младенов (33), на Инстаграм позната како Христина Пан, која денес е мајка на прекрасни близначки.

„Ние сме една интернационална, хаотична, шарена заедница која не припаѓа на стандардните семејства, меѓутоа го наоѓа автентично и индивидуално својот пат кон среќата. „Пачворк семејството“ е составено од партнери со кои живеат постојано или делумно заедничките деца и/или децата од претходните партнерства во едно домаќинство“ – вели во интервју за CRNOBELO.com Александра Шекутковска, која живее во такво семејство, а отворено ги споделува сопствените искуства и во книгите што ги пишува, но и на социјалните мрежи.