„Сум сменил пелена 2-3 пати, Лука е убав на сопругата, а таа ќе го воспита во чесно момче“ – Јоце Панов за татковството

Детали

петок, 21 април 2023

„Синот Лука повеќе личи на мајка и супер што е така, бидејќи Марина е поубава. Но, има и премногу сличности со мене, особено во карактерот, во начинот на гушкање, во начинот на радување, кога е среќен, страста што ја покажува кога нешто сака да добие“, раскажува за CRNOBELO.com пејачот Јоце Панов и ни откри како се снаоѓа како татко.

Пејачот и професор по музика, Јоце Панов, и неговата сопруга Марина, пред 3 години го добија синот Лука. За Јоце секој ден со Лука носи нов предизвик, но вели дека синот му е најголемата среќа во животот.

Во разговор за CRNOBELO.com, Јоце ни откри и дека со синот се вистински другари и заедно одат во прошетки. Но, Панов ни призна и дека тој е „лошиот“ родител, па кога некој треба да го искара или да го смири Лука, сопругата му се јавува нему.

Во продолжение Јоце открива повеќе детали за татковството за CRNOBELO.com...

Се сеќаваш ли на моментот кога првпат го виде твоето дете?

Да, се сеќавам и цел живот ќе го паметам, а имам и слика. Тоа е навистина најубав момент во животот, чувство што не се опишува со зборови.

Колку ѝ помагаше на сопругата Марина во обврските со Лука?

Лука се роди декември 2019-та година и за многу кратко почна короната. А јас, бидејќи воопшто не ме допираше тој момент на корона и немав никаков страв, цело време бев со луѓе.

Лука, пак, 90 отсто од времето го поминуваше со мајка му и баба му бидејќи тие повеќе се чуваа. Искрено, имаме среќа што многу ни помагаат баба му и нана му на Лука.

Дали си од оние татковци што читале или раскажувале приказни или некако си немал време за тоа? Колку имаше време за синот поради честите патувања и настапи?

Поради мојот начин на живот и моите обврски, тој дел ми фали - да поминувам повеќе време со Лука.

Но затоа секогаш кога можам го користам секој момент да сум со него.

А сум му сменил и пелена 2-3 пати.

Си го носел ли некогаш сам во парк, на прошетка? Како си се снашол во тие ситуации?

Сега кога веќе наполни 3 години почесто сум со него и често одиме сами јас и тој да шетаме.

Го носам секаде - и во парк и на игралиште и во кафуле. Веќе сам си бара кафе кога ќе седнеме некаде.

Кога сме сами, секогаш носам ранче полно со резервни реквизити за него: вода, пелени, маици.

Колку е всушност голем предизвикот да се биде добар татко?

Татковството навистина бара посвета и жртва ако сакаш да го воспиташ детето добро и како што треба. Бара голема жртва, но тоа се најубави маки.

Продолжува на следната страница...