Јутјуберот Стефонатор за егзотичните миленици: „Чувам аксолотли, се хранат со замрзнати ларви и бели црви“
- Детали
- вторник, 03 октомври 2023
„Аксолотлите можат најбрзо да ги регенерираат екстремитетите, побрзо од кое било друго животно. На мајка ми ѝ се интересни и често прашува што прават (иако ништо не прават, само постојат), а сестра ми рече дека се 'гадни'“ – вели во интервју за CRNOBELO.com, јутјуберот Стефонатор, кој од неодамна почна да чува вакви егзотични миленици.
Стефан Рашковиќ (25) од Скопје на македонската јавност ѝ попознат како Стефонатор, момчето кое редовно објавува содржини на неговиот YouTube канал.
Оние што редовно го следат знаат дека Стефан пред извесен период почна да чува егзотични миленици аксолотли, а во интервју за CRNOBELO.com открива што треба да знаете пред да одлучите да се грижите за нив.
Аксолотлите се вид саламандери, кои се препознатливи по тоа што достигнуваат зрелост без да претрпат метаморфоза.
Аксолотлите првично биле пронајдени во неколку езера што се наоѓаат во основата на неколку езера на сегашниот Мексико Сити. Овие езера биле исушени од шпанските доселеници по освојувањето на Ацтечката империја, по што дошло до уништување на голем дел од природните живеалишта на видот.
Овие животни иако се сметаат за загрозени видови во дивината, многу често се користат во научните истражувања заради способноста да регенерираат екстремитети, жабри и делови од нивните очи и мозок.
Многу се популарни и како егзотични миленици и се чуваат во аквариуми.
Следува во целост интервјуто со Стефонатор:
Зошто се одлучи да чуваш егзотични миленици и зошто баш аксoлотли?
Искрено, не знам, не е некоја желба која сум ја имал долго време.
Другар ми имаше пратено дека ги има кај нас и веднаш посакав да ги чувам.
На мое изненадување многу луѓе не знаеја што се воопшто аксолотли и претходно никогаш не виделе, а мене ми се многу добро познати од играта Minecraft, па така и прво ги имам запознаено со мојата публика на стримови.
Ги чувам во студио каде што многу часови знам да бидам сам, па добро е да се има друштво.
Колку време ги чуваш аксoлотлите и како се викаат?
Ги чувам од почетокот на август, што значи повеќе од месец дена.
Едното се вика Цаци, не знам дали е машкото или женското, ама е она што е помало и срамежливо и се крие во пештерата.
За другиот аксолотл сѐ уште немаме име. Се надевам наскоро.
Најде ли начин конечно да ги разликуваш кое е машко, а кое е женско?
Најдов ама тешко ми оди, ми треба да стојат мирни во профил долго време за да успеам да дознаам, што не се случува.
Мислам дека машкото е баш Цаци.
Ама само мислам, засега. Ќе известам кога ќе знам повеќе.
На што треба најмногу да се внимава кога се чуваат аксoлотли и какви услови треба да им се обезбедат?
Најпрво потребно е да им се обезбеди средна големина аквариум од околу 100 литри вода за два аксолотли.
Потребно е да ги чувате сами, без останати животни, и кога се вака во пар да се слична големина, затоа што често ги јадат помалите од нив.
Потребно е температурата на водата во аквариумот да не надминува повеќе од 20 степени, идеално е да се движи околу 15 степени.
Потребен им е секако филтер, бидејќи загадувањето е штетно за нивното здравје.
Половина волумен на водата да се менува неделно. И исто така обично сакаат да имаат некакви засолништа каде што можат да се кријат, си сакаат потемно, иако имаат слаб вид.
Продолжува на следната страница...
Би можело да ве интересира:
Препорачуваме
Најчитани неделава
