Жена од Јапонија има Hello Kitty колекција со над 10.000 предмети: „Ги собирам 36 години“

Детали

вторник, 05 ноември 2024

Асако Канда од Јапонија почнала да собира Hello Kitty предмети откако мајка ѝ ѝ купила училиштен прибор со познатото бело маче и до денес редовно ја дополнува својата колекција.

Hello Kitty е еден од најпрепознатливите брендови ширум светот.

Белото маче со панделка, креирано од јапонската дизајнерка Јуко Шимицу, иако било замислено како лик што ќе им се допадне на децата, мошне е популарно и кај возрасните.

Во 2024-та навршуваат 50 години од создавањето на Hello Kitty, а многумина што пораснале со ликот му се верни фанови и денес, како возрасни.

Особено во Јапонија, има бројни луѓе кои поседуваат импресивни колекции со предмети со Hello Kitty.

Една од нив е Асако Канда, која до 2017 година го држеше рекордот за најголема колекција од Hello Kitty предмети.

Асако почнала да собира играчки и слично со ликот на препознатливото маче во трето одделение, а денес нејзината колекција брои над 10.000 предмети.

Сите предмети од колекцијата ги чува во нејзиниот дом во Токио.

За себе вели дека е најголемиот Hello Kitty фан кој верно собира предмети веќе 36 години.

„Мајка ми ми купи училиштен прибор со Hello Kitty. Веднаш ми се допадна и ми стана омилен. Така започна сè.

Штом почнав да заработувам свои пари, си купував работи со Hello Kitty за кујната, тоалетот и слично. Оттогаш сакав сè во домот да ми биде со ликот на Hello Kitty“, вели Асако за CNN.

Таа вели дека нејзината колекција уште се зголемува и секој месец купува по два предмета со Hello Kitty.

„Кога има мигови кога сум тажна, гледањето во мојата Hello Kitty колекција ми два утеха“, додава Асако.

Во постаро интервју за веб-сајтот на фирмата што го поседува брендот, Асако вели дека омилен предмет од колекцијата ѝ е кадифена играчка која ја добила од сопругот.

„Имам и други предмети кои ми се омилени, но еден од најомилените ми е големата кадифена играчка од сопругот, кој ми ја подари додека ми беше дечко.

Благодарение на Hello Kitty, стекнав пријатели од целиот свет кои ми праќаат предмети за колекцијата, некогаш и од Сингапур“.

Спирова С. | Црнобело