Има само 2 години, а продава слики за 6.000 евра – Детенце од Германија го споредуваат со Пикасо
- Детали
- петок, 19 јули 2024
Лоран создава ремек-дела на само 2 години. Не сака да излезе од студиото за сликање, а за една слика добил и понуда од скоро 140.000 евра.
Двегодишно момче од Германија го добило прекарот „малиот Пикасо“ откако некои негови слики биле продадени за околу 7.000 долари (околу 6.550 евра).
Според британскиот весник „Times“, Лоран Шварц од Баварија направил портфолио од апстрактни слики на слонови, диносауруси, коњи и слично.
Неговата мајка Лиза Шварц (32) за магазинот „People“ изјави дека неговата слика „Луѓе“ моментално ја бараат 3.000 обожаватели.
„Тоа им е омилена слика на сите. Патем и на мене исто.
Луѓето пишуваат по два, три и дури и по четирипати или се јавуваат неколкупати само за да ја добијат оваа слика“, вели Лиза.
Лиза го забележала дека нејзиниот син има дарба за сликање додека семејството било на одмор во Јужен Тирол, Италија во септември 2023 година.
„Имаше сликарска соба во хотелот и не можевме да го извадиме од неа
Непосредно пред Божиќ му направивме студио за сликање и тој цело време беше во него“, вели мајка му.
Лиза му направила и фан страна Инстаграм каде ги објавува неговите деца.
Страната за брзо време собрала речиси 30.000 следбеници.
Потоа, Лиза ставила на продажба некои од сликите на веб-сајтот laurents.art, каде неговите дела биле забележани дури и од љубителите на уметноста од Велика Британија и Бахамите.
Семејство ги контактирала и њујоршка галерија која барала некои слики од Лоран.
Лиза вели дека на семејството ќе му биде тешко да се раздели со сликата наречена „Прсти“, иако за неа добиле понуда од 148.000 долари (околу 136.360 евра), додека сликата „Луѓе“ добила понуда од најмалку 67.000 долари (околу 61.730 евра).
„Тоа е првото дело на Лоран.
Многу сме приврзани за него и во овој момент не сме сигурни дали некогаш ќе го продадеме“, објаснува Лиза.
Медиумите наведуваат дека приватните изложби на Лоран ќе се одржат во август во неговото родно село Нојберн, а средствата кои ќе бидат собрани ќе бидат депонирани на банкарска сметка на „малиот Пикасо“ и ќе му бидат достапни кога ќе стане полнолетен.
Повеќе фотки и видеа од „малиот Пикасо“:
Продолжува на следната страница...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_107068_400.jpg)
![](https://www.crnobelo.com/media/com_jvrelatives/images/thumbs/com_content_104741_400.jpg)
![](https://www.crnobelo.com/media/com_jvrelatives/images/thumbs/com_content_107141_400.jpg)
![](https://www.crnobelo.com/media/com_jvrelatives/images/thumbs/com_content_103728_400.jpg)
![](https://www.crnobelo.com/media/com_jvrelatives/images/thumbs/com_content_105711_400.jpg)
![](https://www.crnobelo.com/media/com_jvrelatives/images/thumbs/com_content_106774_400.jpg)