Руперт Мурдок (93) се ожени за бившата тешта на Роман Абрамович - тој во костум и патики, невестата блеска во бело

Детали

понеделник, 03 јуни 2024

Милијардерот Руперт Мурдок се ожени по петти пат, но не за жената која го држеше во вода додека беа заедно на одмор и со која стана хит на социјалните мрежи, туку за друга 26 години помлада. Која е Елена Жукова која го натера милијардерот по петти пат да застане пред олтар?

Медиумскиот могул Руперт Мурдок на возраст од 93 години се ожени по петти пат со неговата девојка Елена Жукова (67).

Руперт Мурдок и Елена Жукова

Тие двајца направија свечена церемонија во неговата винарија на имотот во Бел Ер, Калифорнија.

На официјалните фотографии објавени во светските таблоиди, невестата позира во бел фустан и со бел букет, додека Руперт на себе носи костум и патики.

Руперт Мурдок и Елена Жукова

На церемонијата присуствувале голем број познати гости и блиски соработници на сопственикот на FOX телевизијата.

Инаку, ова е негов петти брак, откако за последен пат беше оженет со Џери Хол од 2016-та до 2022-ра година, а ѝ побарал развод по мејл.

Минатата година, Руперт беше верен за Ен Лесли Смит, со која беа фотографирани заедно на плажа и станаа хит на социјалните мрежи, но по само 2 недели ја раскинаа свршувачката.

Руперт Мурдок и Ен Лесли Смит

Прочитајте и „Како да е на плажа со дедо ѝ“ – Реакции за фотките на Руперт Мурдок (91) со 25 години помладата девојка

Се верува дека набрзо потоа, тој почнал да се гледа со Елена Жукова, поранешната сопруга на рускиот магнат Александар Жуков и тешта на Роман Абрамович, кој 10 години беше во брак со нејзината ќерка Даша Жукова.

Роман Абрамовиќ и Даша Жукова

Елена дошла да живее во САД во 1991-ва година каде работела како биолог во рамки на истражувачките единици на UCLA.

Руперт Мурдок и Елена Жукова

Инаку, Руперт ја направи свадбата на имотот кој бил омилен на неговата поранешна сопруга Џери Хол и која се надевала дека ќе успее да го добие по разводот.

Руперт Мурдок и Џери Хол

Се верува дека милијардерот ја запознал Елена Жукова преку неговата трета сопруга Венди Денг, која ја охрабрувала нивната врска и беше присутна на церемонијата.

Венди Данг

Прочитајте и На 92 години менува девојки, има 6 деца од 3 жени – Бурниот љубовен живот на милијардерот Руперт Мурдок

Б. С. Б. | Црнобело