„Како да е на плажа со дедо ѝ“ – Реакции за фотките на Руперт Мурдок (91) со 25 години помладата девојка

Детали

вторник, 17 јануари 2023

„Убаво е да се види дека му помага на дедо ѝ да се раздвижи“ – коментираат дел од твитерџиите до фотографијата на Руперт Мурдок и неговата 25 години помлада девојка. Милијардерот на 91 година одлучи да се разведе со сопругата, а сега има нова девојка со која е на одмор на Барбадос.

Сопственикот на Fox, Руперт Мурдок, пред 6 месеци беше топ тема во медиумите откако по 6 години брак одлучи да се разведе од 26 години помладата сопруга Џери Хол, а сега е забележан со новата девојка, која исто така е 25 години помлада од него.

Со поранешната сопруга Џери Хол

Мурдок беше фотографиран додека одмора на Барбадос со Ен Лесли Смит (66) која е вдовица на кантри музичарот Честер Смит.

Со новата девојка

Според пишувањата во странските медиуми, Мурдок и Смит почнале да се гледаат во ноември минатата година, а во Барбадос престојуваат на покана на британскиот милијардер Ентони Бамфорд.

Со новата девојка

За Ен Лесли Смит се знае дека пред да биде во брак со кантри музичарот, претходно имала уште еден брак во кој била жртва на семејно насилство, по што, како што вели, го пронашла патот кон Бога.

Денес таа работи како водителка на радио, а останала вдовица во 2008-ма година, кога нејзиниот сопруг починал од срцев удар на возраст од 78 години.

Новата девојка на Руперт Мурдок

Една од нивните фотографии од Барбадос, масовно се споделува на социјалните мрежи и додека многумина ја споредуваат со фотографиите од пред 6 години на кои тој е заедно со поранешната сопруга Џери Хол, други коментираат дека неговата нова девојка изгледа како да го шета дедо ѝ на плажа.

https://twitter.com/jeffsprogress/status/1615097938673561600

Со поранешната сопруга Џери Хол

Сопственикот на Fox зад себе има 4 брака. Првиот е со Патриша Букер со која се оженил на 25 години и ја добил ќерката Пруденс.

По разводот со Букер се оженил за Ана Торв, новинарка со полско потекло, со која беше во брак до 1999-тата година и со која ги доби двата сина Лаклан и Џејмс и ќерката Елизабет.

По неа се ожени за жена со кинеско потекло Венди Данг, која беше 30 години помлада од него и која работела како волонтер во една од неговите ТВ станици. Заедно добиле 2 ќерки, а се развеле во 2014-та година.

Во 2016-та година Мурдок се ожени за Џери Хол, со која се разведе по 6 години брак.

Дали милијардерот ќе одлучи по петти пат да застане пред олтар, останува да видиме.

Прочитајте и Милијардерот Руперт Мурдок на 91 година се разведе од 26 години помладата сопруга - по мејл ја известил дека сака развод

Б. С. Б. | Црнобело