Шон Пен и новата 34 години помлада девојка критикувани од јавноста: „Одвратно, некои би направиле сè за пари“

Детали

сабота, 05 октомври 2024

Новата девојка на Шон Пен е помлада од неговите деца, а поради фотките на кои страсно се бакнуваат среде Мадрид, и двајцата се соочија со критики.

Познато е дека Шон Пен сака помлади девојки и низ годините се соочил со критики поради ова.

Но, очигледно е дека актерот не ги слуша негодувањата на јавноста бидејќи неговата сегашна девојка е помлада и од ќерка му, и од син му.

Тој ги доби децата со поранешната сопруга Робин Рајт.

Ќерка му Дилан има 33 години, додека син му Хопер – 31 година.

Неговата нова девојка, Валерија Ников, има 30 години, додека Шон Пен има 64.

Валерија, која работи како модел и актерка, потекнува од Молдавија и уште се пробива на светската сцена.

А, поради ова, многумина сметаат дека го користи актерот за да се прослави, но и за неговите пари.

Неодамна, актерот самиот изјави дека не сака да се врзува со сериозни врски, па низ годините имал бројни кратки авантури, од кои дел со многу помлади девојки.

„Јас сум слободен. Ако сум во врска, и тогаш ќе бидам слободен. Не планирам некој да ме повредува.

Нема да дозволам срцето повторно да ми биде скршено. Врските не мора да бидат драматични и исцрпувачки“.

Новата врска на актерот привлече внимание на почетокот од септември, кога со девојка му беа забележани во Мадрид.

Тие беа фотографирани откако излегоа од ресторан, а на неколку фотки страсно се бакнуваат среде улица.

И, токму овие фотки беа причина за негативни коментари на социјалните мрежи.

„Ова е веќе одвратно“.

„Некои луѓе ќе направат сè за пари и 15 минути слава. Нема шанси да ја привлекува“.

„Ќерка му е постара од неа… Мислам дека сите помлади девојки го искористуваат. Нему, пак, му треба помлада девојка за да му го нахрани големото его“.

„Возрасна разлика од 30 години… Не ми е јасно што гледа во него“.

„Сигурно не би го ни погледнала доколку не беше богат и славен“.

Инаку, новата девојка на актерот моментално живее во Франција, а некои извори тврдат дека лаже за возраста и нема ни 30 години.

Актерската кариера ја починала во театар, а досега има добивано мали улоги во кратки филмови и серии.

Имаше и кратко појавување во популарната серија Emily in Paris.

Наводно, зборува седум јазици – француски, англиски, романски, руски, украински, шпански и италијански.

Како модел забележала малку поголем успех и досега има соработувано со брендови како Carolina Herrera.

Повеќе фотки од Шон Пен и новата девојка:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело