Милијардерот Руперт Мурдок на 91 година се разведе од 26 години помладата сопруга - по мејл ја известил дека сака развод

Детали

четврток, 11 август 2022

Руперт Мурдок, сопственик на Fox, по мејл ја известил сопругата дека сака да се разведат, по што таа веднаш поднела документи и ангажирала поранешен полицаец да му ги достави додека тој бил на свадба кај внуката. По само пет недели парот стави крај на заедничкиот живот. Активен живот на 91 година... 

По само 6 години брак медиумскиот магнат Руперт Мурдок (91) се разведе од својата 26 години помлада сопруга, поранешната манекенка Џери Хол (65).

Претходно, се појавија информации дека Џери Хол поднела барање за развод заради ненадминливи разлики, а само еден ден подоцна е објавено дека парот спогодбено се развел и одлучиле да останат добри пријатели.

Портпаролот на Руперт Мурдок излезе со официјално соопштение до медиумите во кое стои:

„Џери Хол и Руперт Мурдок го финализираа разводот. Ќе останат добри пријатели и си посакуваат сѐ најдобро во иднина“.

Засега се шпекулира што ќе значи разводот за богатството на Мурдок, кој е сопственик на корпорациите Fox и News Corp и се претпоставува дека „тежи“ околу 18.8 милијарди долари.

Според првичните информации, Хол добила солиден паричен надомест што ќе ѝ овозможи да продолжи да живее луксузен живот и во иднина.

Инаку, Руперт и Џери стапија во брак во 2016-та година во Лондон.

Б. С. Б. | Црнобело