5 славни жени тврдат дека се посреќни кога се сингл: „Не ми треба маж кој ќе се однесува како дете“

Детали

сабота, 14 декември 2024

„Решив веќе да не одам на љубовни состаноци, зашто долго време не чувствував искреност од страна на мажите, па сфатив дека не вреди да си го трошам времето“, вели Шерон Стоун.

Некои од нив биле во брак, други во долги и сериозни врски. И покрај тоа, овие славни дами тврдат дека се многу посреќни кога немаат маж покрај себе и затоа избираат да не се во љубовна врска.

Кои светски ѕвезди ги рушат стереотипите и уживаат во својот сингл живот (и кои се нивните причини поради тоа)?

Дајен Китон

Актерката Дајен Китон (78) повеќе од 35 години е сингл. Запрашана зошто, таа во едно интервју рече дека не ѝ недостига машко друштво, бидејќи има многу пријатели од спротивниот пол, а нивното внимание ѝ е доволно, па не ѝ треба партнер.

Китон никогаш не била во брак, но често знаела да каже дека бракот и врските не треба да ги дефинираат луѓето.

„Се сеќавам дека во младоста бев искрено убедена дека ќе најдам некој со кого ќе останам до крајот на животот.

Но, тоа што не се омажив не го прави мојот живот помалку вреден или помалку исполнет. Митот за ‘старите моми’ е висинска глупост“, вели таа.

Линда Еванџелиста

Една од најголемите светски топ модели, неодамна изјави дека свесно избира да биде сингл.

„Веќе не сакам да спијам во ист кревет со некој маж и да го слушам како дише покрај мене“, кажа таа.

Шарлиз Терон

Актерката повеќе од пет години не е во врска. Вели, причината за тоа се другите приоритети што ги има во животот, а пред сè нејзините деца.

Терон вели дека не е противник на бракот и дека кога пријателите ќе ѝ „наместат“ некој, знае да излезе на состанок, но дека не сака да е врска.

„Не сум осамена, па не жалам за ништо“, вели Шарлиз.

Џенифер Анистон

По два пропаднати брака, со Бред Пит и Џастин Теро, Анистон тврди дека не ѝ треба маж за да биде среќна.

„Жената не треба да биде во брак или да е мајка за да се чувствува комплетна. Самите треба да си одредиме што ќе нè направи среќни, а ако тоа да не е некој маж, да уживаме во животот без него“, вели Анистон.

Шерон Стоун

Светската ѕвезда на 66 години веќе не е заинтересирана за љубов и врска. Таа вели дека откако престанала да бара љубов и да сонува за нешто нереално, животот ѝ станал полесен и помирен.

Стоун вели дека има многу мажи пријатели, а тие ѝ се уште еден доказ дека мажите и жените се сосема различни во однос на нивните очекувања и желби кога се врските и бракот во прашање, но дека се разликуваат и според зрелоста.

„Решив веќе да не одам на љубовни состаноци, зашто долго време не чувствував искреност од страна на мажите, па сфатив дека не вреди да си го трошам времето.

Преферирам да го поминувам времето со децата, со пријателите или сама. Не ми треба маж кој ќе биде уште едно дете во мојот живот“, рекла Стоун.

А. Ј. | Црнобело