Кои се омилените парфеми на нашите политичари?

Детали

вторник, 31 декември 2024

Сте се запрашале ли каков парфем користи премиерот? А кои им се омилениие мириси на нашите политичарки? CRNOBELO.com праша неколкумина од нив кои им се фаворитите... 

Без оглед дали ве интересира политиката или не, нашите политичари постојано ги гледате на вести, на разни настани, трибини...

Дел од нив можеби ги следите и на социјалните мрежи, па знаете и по нешто за нивниот приватен живот.

Но, дали некогаш сте се запрашале кој им е омилениот парфем и какви мириси сакаат (користат)?

Откако ги запрашавме македонските спортисти и дел од нашите јавни личности кои им се омилени парфеми, на ред дојдоа и политичарите.

Жените политичарки во Македонија избираат цветни и посуптилни мириси, додека нашите политичари преферираат силни и впечатливи парфеми.

Премиерот секогаш избира мирис кој го потсетува на студентските денови, Моника Зајкова сака да менува парфеми, двајца скопски градоначалници обожаваат ист парфем, додека Сања Лукаревска избира парфем кој е одраз на женственост.

Кои се омилените парфеми на дел од нашите политичари?

Викторија Трајков

Мојот омилен парфем веќе долго време е Hermes - Jour d’Hermes.

Првпат го открив на една студиска посета на Париз и оттогаш ме потсетува на Шанзелизе, на убава и силна жена, на жена со стил, на Елисејските градини, на доминантна и самоуверена девојка/жена.

Љупчо Николовски

Мој омилен парфем, а кој најмногу го користам, би рекол веќе десетина години, е Terre d'Hermes. Ми го препорача мојот цимер од студентски денови Никола, со кого се запознавме на една школа во Шпанија во 2002-ра и останавме и ден денес најдобри другари.

Го користам постојано и најчесто пред да снемам, на првото патување задолжително го барам на free shop по аеродромите, па земам шишенце за полнење, а имам и негова мала травел варијанта.

Мене ми е уникатен за цела година. А бидејќи не се разбирам многу во правењето и мирисот на парфемите, може да кажам дека како и кога дегустираме некое убаво вино и објаснуваме за него, може да се каже дека и Hermes има одлично избалансирани и ароматични ноти на овошје и дрво.

Како и елегантното вино. А да беше прашањето за вино, ќе имав и подетално елаборирање, ха, ха.

Моника Зајкова

Користам повеќе парфеми затоа што ме презаситува еден ист мирис постојано. Така што, често ги менувам.

Но, еве, како омилен би го издвоила Nаrciso Rodriguez For Her - има специфична нота, малку појака, но некако ми е одраз на мистичен карактер.

Се состои од синтеза на цвет од портокал и нежен цветен османтус, во комбинација со меки килибарски ноти и ноти на топли шуми.

Истиот ми е асоцијација за елегантна и софистицирана жена. Мирис на вечна женственост.

Колку парфеми и да менувам овој го имам секогаш дома и често се навраќам на него.

Христијан Мицкоски

Омилен парфем кој го користам е Moonlight Patchouli.

Слични мириси на тој користам од моите студентски денови, а ме потсетува на еден период од животот кога човек се спознава себеси, но и по малку станува свесен за сè она што го очекува.

Неискажливо е чувството кога токму таквиот мирис бил дел од секојдневните убави случки од тој период и секогаш кога го употребувам создава реминисценција и потсетува на едно време од мојот живот, на дружби, искачања, но и многу труд и љубов за она што е моја професија, а каде имам вложено огромен дел од мојот живот.

Не секогаш и не многу често како студент сум можел да си го дозволам, но затоа и се водеше сметка тој подолго да трае.

Во секој случај, парфемот не е само убавиот мирис, туку и спомените кои настанале од времето кога истиот сум го употребувал.

Сања Лукаревска

Yves Saint Laurent YSL Libre е мој фаворит кај парфемите, а кој го користам изминатиов период.

Има доза на женственост, цветна нијанса, доволно впечатлив, а сепак одличен избор.

Парфемот е она што ја одбележува секоја жена, во зависност од приликите. Посвежи мириси за летото и силни нијанси во зима.

Но, мојот фаворит сепак соодветствува за сите прилики и за секоја сезона.

Љубител сум на нежни, цветни мириси, можеби заради раковската хороскопска автентичност.

Не сакам силни и тешки парфеми, но сепак, сечиј вкус и стил е за почит.

Што би рекла и Коко Шанел: „Парфемот е невидлив, незаборавен и најважен моден додаток“.

Прочитајте и Кире Лазаров - 5 години ист мирис, Иџе - Tom Ford: Кои се омилените парфеми на нашите спортисти?

Продолжува на следната страница...