Лила Филиповска емотивна за 30-тиот роденден на синот: „Ти си мојата сила, мојот панцир, мојот двигател“

Детали

вторник, 24 септември 2024

„За мене секогаш ќе останеш ‘моето дете’, иако денес полниш 30 години! Со овие зборови нашата ТВ водителка Лила Филиповска ја започна емотивната објава по повод роденденот на синот Филип.

Синот на ТВ водителката Лила Филиповска, денес (24.09) полни 30 години, а по тој повод со мајка му сподели кратко видео со кое им покажа на своите следбеници како го прославиле денот.

Иако Филип е познат по тоа што се труди да ја сочува приватноста, мајка му на нејзиниот Инстаграм профил објави кратко видео на кое се гледа дека тие двајца се забавуваат со музика во живо, на песната на Цеца Ражнатовиќ „Наговори“.

„За мене секогаш ќе останеш ‘моето дете’ иако денес полниш триесет години.

Јас ти го дадов името, делиме ист хороскопски знак и уживаме во музиката и во работите кои ни го разубавуваат животот!

Ти си мојата сила, мојот панцир, мојот двигател и поради тебе сум она што сум!

Фала ти што ме избра за твоја мајка и што никогаш не ги изневери моите очекувања…

Среќен роденден Филип, моја љубов безусловна“ – му порача Лила на синот Филип.

Погледнете го видеото во продолжение:

Б. С. Б. | Црнобело