Сања Ристиќ не ја крие љубовта кон Перо Антиќ: „Моето срце е за медал, ги собира сите овие 211cm“
- Детали
- понеделник, 13 мај 2024
„Не знам за вашите срца, колку се големи и колку љубов можат да соберат, ама моето е за медал, ги собира сите овие 211cm“, напиша Сања Ристиќ на Инстаграм и објави фотографија со својот партнер, Перо Антиќ.
Неколку месеци откако открија дека се во врска, Сања Ристиќ, која работи како менаџер во семејна компанија, и претседателот на Кошаркарската федерација на Македонија, Перо Антиќ, не кријат колку се заљубени.
Парот постојано споделува заеднички фотографии на социјалните мрежи, често одат заедно на патувања, а дека врската им е навистина сериозна покажаа и неодамна, кога беа на одмор на островот Родос во Грција, на кој друштво им правеа нивните деца од претходните бракови.
Па откако Перо неодамна на Инстаграм објави фотка на која насмеани се држат за раце, со порака „Продолжи да се смееш“, сега и Сања му испрати романтична порака преку социјалните мрежи:
„Не знам за вашите срца, колку се големи и колку љубов можат да соберат, ама моето е за медал, ги собира сите овие 211cm“.
Фотографијата ја сподели и Антиќ, кој на својата девојка ѝ одговори со неколку емотикони срце и вљубено човече.
„Имате сјај во очите“, „Ти си уникатна и ја заслужуваш најголемата љубов и среќа. Да блескаш цел живот“, „Прекрасен пар“, се дел од коментарите кои им ги оставија пријателите и следбениците на Инстаграм.
За потсетување, Перо и Сања официјално открија дека се заедно во јануари, кога објавија фотка во пижами додека се возат во автомобил и со тоа ги потврдија чаршиските муабети дека се во врска.
Сања, неодамна на увото стави пирс во вид на срце и напиша дека му го посветува на својот дечко.
Прочитајте и Сања Ристиќ се пофали со новиот пирс посветен на Перо Антиќ: „Го живееме најубавиот живот“
А. Ј. | Црнобело
Би можело да ве интересира:
Препорачуваме
Најчитани неделава
