Сања Ристиќ се пофали со новиот пирс посветен на Перо Антиќ: „Го живееме најубавиот живот“

Детали

четврток, 07 март 2024

„Уживам во животот со Сања Ристиќ“, напиша Перо Антиќ, а неговата девојка, пак, откри дека си ставила пирс во вид на срце и му го посвети на поранешниот кошаркар.

Перо Антиќ ужива во љубовта со својата нова девојка, Сања Ристиќ. Откако неодамна открија дека се заедно, претседателот на кошаркарската федерација и инфлуенсерката која работи како менаџер во семејна компанија, често споделуваат заеднички фотографии на Инстаграм, но и разменуваат пораки со нежности.

Па така, на последната заедничка фотка што ја објави, Антиќ напиша дека ужива во животот со Сања и коментарот го дополни со емотикони срциња.

Сања, пак, која ја паметиме по детскиот хит „Ех, тој Тоше“, откри дека ставила нов пирс на увото, а кој е во форма на срце.

Таа фотографијата ја сподели на Инстаграм Стори.

„Посветено на мојот Чичко Стоилко“ напиша таа, означувајќи го Антиќ со неговиот псевдоним.

Сања и Перо открија дека се во врска во јануари 2024, кога ја споделија првата заедничка фотографија на Инстаграм стори, а на која се во автомобил и се возат по пижами.

Прочитајте и Перо Антиќ повторно заљубен и среќен, со новата девојка се возат во пижами

А. Ј. | Црнобело