Инстаграм профилот на Ана од Охрид е како сцена од есенска бајка (фото)

Детали

среда, 13 ноември 2024

„Есента ми е омилена најмногу заради природата, нејзините бои, мирисот на цимет, постојано дома правам цимет ролнички, цимет колачиња, пита од јаболко“, вели Ана Илијевски (33) од Охрид за CRNOBELO.com.

Ана Илијевски (33) од Охрид, магистер по казнено право и мајка на прекрасно девојче, има еден од најубавите есенски Инстаграм профили.

Од кадри од домот до фотографии од есенски украсени локали низ нашата држава, тој е буквално приказ зошто есента е магично годишно време.

Ана за CRNOBELO.com вели:

„Хоби и огромна љубов ми е фотографијата, обожавам да сликам. Особено ги сакам есента и зимата, затоа што може да се прави убави, 'cozy' фотографии. Едноставно, фотографии кои зрачат со топлина.

Го сакам времето надвор и атмосферата, боите.

Есента ми е омилена најмногу заради природата, нејзините бои, мирисот на цимет, постојано дома правам цимет ролнички, цимет колачиња, пита од јаболко, никаде без 'pumpkin spice latte', потаж од тиква. Омилени.

Обожавам локали кои се убаво украсени. Секогаш гледам кои локали имаат есенска нота, постојано следам на Инстаграм, без разлика во кој град и да се наоѓаат.

Прочитајте и Локали низ Македонија кои се украсени како во есенска бајка – кочија со суви лисја, фиќо со тикви

Охрид оваа есен не е украсен, ама има преубава природа каде се прават преубави фотки.

Но, затоа локалите во другите градови се совршени.

Esco’bar во Струга каде го служат најдоброто pumpkin spice latte, засекогаш омилениот хотел Шумски Фенери, секогаш предобро украсениот Breadway bakery во Скопје, во кој тешко дека некој ќе одолее на нивното топло чоколадо во најубавите чаши.

Продолжува на следната страница...