Браво! Илина Арсова стана доктор на науки во САД и покажа дека жена може сè - и планини и наука

Детали

петок, 28 март 2025

По љубовната врска со Игор Џамбазов, Илина Арсова одлучи да се пресели во САД, каде се запиша на докторски студии. Сега, ја реализираше својата цел и стана доктор на науки. Илина Арсова е синоним за планинарски успеси и е доказ дека жените можат сè, само треба доволно силно да сакаат. Браво!

Илина Арсова е синоним за планинарски успеси, но и успеси како уметница, писателка и поборник за здрава животна средина, синоним за силна и амбициозна жена, која ги следи своите соништа и страсти по секоја цена.

Таа е силен поборник за заштитата на Охридското Езеро, но и вљубеник во Дојран и во секое катче од нашата прекрасна земја.

Илина е жена за која светот е претесен, но Македонија незаменлива.

Таа по љубовната врска со Игор Џамбазов, одлучи да се пресели за докторски студии во САД, а сега, на нејзиниот Фејсбук профил ја објави среќната вест дека докторирала.

Илина Арсова вели:

„Драги пријатели, роднини и колеги. Чест ми е да споделам дека на 25 март 2025 успешно ја одбранив мојата докторска дисертација од областа на општествените науки.

Сега и официјално сум експерт за родови прашања, спорт и медиа кои несомнено водат кон социјални промени.

Неизмерно ви благодарам на сите што постојано ме храбрите и поддржувате во овој долг, изолиран и сопствен рефлексивен процес на учење и надградување.

Наскоро повеќе детали... чувајте се и само преку знаење, етика и солидарност заедно да изградиме една подобра држава и иднина за сите.

Она што е неопходно за нашата мила Македонија...
(со болка во срцето по 16.03).

Ве сака Илина“.

С. С. | Црнобело