Македонка ги откри најголемите грешки што ги прави по раѓањето на второто дете, а си ветила дека нема да ги повтори

Детали

петок, 01 ноември 2024

„Реков нема да го научам бебето да спие во нашиот кревет, но...“, вели Зорица Николовска, водителката на радиоемисијата „Тик Так и Зорка“, која пред 4 месеци ја роди ќеркичката Јана.

Зорица Николовска, водителката на радиоемисијата „Тик Так и Зорка“, на 1 јули 2024 стана мајка на девојче, кое го доби името Јана.

Ова е второто дете на Зорица и нејзиниот сопруг Горан, со кого го има и синот Мартин.

Иако ужива во мајчинството и времето поминато со двете деца, но и посинокот Иван, Зорица на својот профил на Инстаграм сподели кратко видео преку кое ги откри најголемите грешки кои ги прави по раѓањето на ќерката.

Вели, кога потпораснал синот, си ветила дека нема да ги повтори и со второто дете, но ете, некои работи „се посилни од неа“.

На Инстаграм Зорица напиша:

„Пет грешки што реков дека никогаш нема да ги правам со второто дете, а сепак ги правам:

1. Нема да го научам бебето да спие во нашиот кревет... но, не можам да се замислам да спијам без неа.

2. Нема да го користам телефонот кога сум со бебето... ама тие кратки и преслатки насмевки и магични моменти сакам да ги претворам во спомени.

3. Нема да дозволам куќата да биде хаос... ама чувствувам дека ми е многу поважно да поминам квалитетно време со децата, отколку да средувам низ дома.

4. Нема да отстапувам од точно направената рутина за легнување... ама понекогаш насмевките, прегратките и заедничките моменти победуваат.

5. Реков дека нема да се споредувам со останатите мајки... ама, ете ме понекогаш како скролам низ видел или фотографии на Инстаграм, прашувајќи се зошто јас не сум толку организирана мајка“.

Таа побара мајките што ја следат да ѝ кажат дали и тие го прават истото и да ја дополнат нејзината листа, доколку постои уште нешто што е карактеристично за нив.

„Не си сама, и мене ми се случува истото“,

„Ова што го напиша и плус си ветив дека нема да го учам во раце да е цело време или дека нема да оставам да ми заспива на градите дур цица ама знам дека тоа ќе трае кратко и не сакам да го пропуштам тој момент“, се дел од коментарите.

Погледнете го видеото:

А. Ј. | Црнобело