Најконтроверзниот балкански пар - Зошто Теодора Поповска и Реља Торино се мета на критики?

Детали

сабота, 11 февруари 2023

Тој е 9 години постар од неа, а таа сѐ уште е малолетна. Заедно објавуваат песни, а најчесто се мета на критики и погрдни коментари на социјалните мрежи заради големата разлика во годините. Кои се Теодора Поповска и Реља Торино?

Теодора Поповска е 17-годишна тиктокерка, модел и пејачка која во последно време сѐ повеќе внимание привлекува заради контроверзната врска со 9 години повозрасниот српски трап пејач Реља Торино, а се едни од најследените музички имиња помеѓу младите на социјалните мрежи.

Теодора Поповска важи за една од најпознатите титокерки во Србија чијшто профил во моментов има над 430.000 следбеници, а освен тоа, актуелна е затоа што сними песни и со нејзиниот дечко Реља Торино.

„Јас не верував дека некогаш ќе снимам своја песна, но сфатив дека сѐ е можно, ако имаш добар тим до себе“ – рече таа во една прилика.

Таа стекна популарност со нејзините видеа во кои ги имитираше гасерките, односно тинејџерките што уживаат да се фалат колку се богати, лудо се забавуваат и се фалат дека сите момчиња се опседнати со нив.

@wolfdoraa ispalio me lik 5. dan zaredom ? insta: t.popovska ? #foryou #fyp #balkan #viral #foryoupage #talikusa #trend #viral ♬ original sound - Teodora Popovska ?

Теодора во нејзините видеа се обидува да покаже дека инфлуенсерите немаат совршен живот, како што тоа сакаат да го прикажат, па се обидува на младите да им помогне да ја вратат самодовербата.

Во последно време, таа сѐ повеќе е застапена во медиумите заради нејзината контроверзна врска со 9 години постариот музичар Реља Торино, со кого објави дека е заедно на нејзиниот 17-ти роденден.

На многумина им пречи тоа што таа е сѐ уште малолетна, а е во врска со толку повозрасен маж.

„Дали ти ги оправдува отсуствата во училиште?“, „Татко може да ти биде“, „Дај барем наполни 18 години, па фали се“ – стои во дел од коментарите.

Таа откри дека тие двајца се запознале на социјалните мрежи, откако тој коментирал на едно нејзино видео и така прво почнале да се допишуваат, а потоа влегле и во врска.

Без разлика на негативните коментари, Реља и Теодора и понатаму продолжуваат заедно да објавуваат песни, а тој досега напишал повеќе песни што ѝ се посветени нејзе.

Освен тоа тие редовно објавуваат заеднички фотографии на Инстаграм.

Погледнете дел од нив:

 Б. С. Б. | Црнобело