„Сакав да видам како се одело порано на море“ – Пар од Србија со Фиќо старо 46 години патувал до Анталија
- Детали
- понеделник, 26 август 2024
Со чести паузи, без клима и со максимална брзина од 80 km на час, српски брачен пар патувал 1.870 km од Србија до Турција, во возило „Фиќо“ старо 46 години. Целта, им била да видат како се патувало во минатото, а сите ги прашувале дали имаат клима.
Додека многумина не би се ни осмелиле да патуваат со половина век старо возило ниту 100 km, еден Србин одлучи годинава да замине на одмор во Турција и тоа со својот олдтајмер возило Zastava 750, познато и како Фиќо.
Немања (26) и неговата сопруга деновиве поминале 1.870 km од Србија до Турција, и уште толку на патот до дома.
Тие со автомобилот стар 46 години тргнале од родниот Лајковац во Србија и се упатиле во Турција, поточно во Аланија.
Немања, во изјава за српските медиуми откри дека автомобилот го реставрирал пред 5 години и решил со него прво да патува низ Србија, а потоа и низ целиот свет.
„Сакав да видам како беше некогаш и како повозрасните патувале со Фиќо на море и во Трст по фармерки“ – вели тој.
Немања појасни дека патувањето во еден правец траело околу 30 часа, со максимална брзина од 80 km на час.
„На патот до Турција предизвикавме огромно внимание кај случајните минувачи, па во секој миг нè фотографираа, нè снимаа и секако нè прашуваа дали имаме клима, на што низ смеа одговаравме дека немаме, но дека не ни е топло“ – раскажува тој.
Инаку со чести паузи и застанувања Немања и неговата сопруга успеале да стигнат до море, но и да се вратат оттаму, а веќе се подготвуваат за следните патувања, а планот им е догодина да одат до Москва.
Инаку Немања на својот Инстаграм профил објави кратко видео од моментот додека се возеле низ Аланија, а голем број од неговите следбеници му честитаат на храброста:
„Секоја чест, а јас го потценувам мојот Fiat 1.300, постојано ми е страв дека некаде ќе ми застане. Не одам подалеку од 100 km од дома“ – вели еден негов следбеник.
Дали вие би се осмелиле со автомобил стар 46 години и без клима да заминете на патување?
Б. С. Б. | Црнобело
Би можело да ве интересира:
Препорачуваме
Најчитани неделава
