Горан Бреговиќ за лудите излегувања во кафеана: „Маж влета со пиштол - кога престана да пука, друг си ја запроси девојката“

Детали

петок, 07 февруари 2025

„Ми се јави Џеј и ми вели дека ќе оди со неговата ‘екипа’ од Дорќол во кафеана, на пиење, и дека сака да им се придружам. Одеднаш се појави тип, извади пиштол. Сите се скрија под масите, само јас седам и не мрдам“, раскажал Бреговиќ за едно од најстресните, но и најсмешни искуства во животот.

Еден од најуспешните музичари на овие простори, Горан Бреговиќ, во текот на својата кариера имал многу прекрасни, но и стресни ситуации.

Една од неубавите ситуации се случила пред многу години, кога Џеј Рамадановски го викнал Бреговиќ на дружење во кафеана.

Додека тие седеле и уживале, во кафеаната влетал маж кој почнал да пука.  

„Ми се јави Џеј и ми вели дека ќе оди со неговата ‘екипа’ од Дорќол во кафеана, на пиење, и дека сака да им се придружам.

Отидовме во кафеаната, а таму имаше многу професионални пејачи. Баш убаво си поминувавме. Како што седевме, ние гледавме во скалите по кои се влегуваше во кафеаната...

Одеднаш се појави еден тип во костим за капење и извади пиштол од него и почна да пука. Пукаше во звучниците, пукаше во клавијатурите.

Сите се скрија под масите, само јас седам и не мрдам“, раскажал Бреговиќ во интервју.

Откако престанало пукањето, луѓето се охрабриле да се излезат од под масите - но тогаш, според музичарот, се случила уште поневеројатна ситуација.

„Еден по еден почнаа да излегуваат од под масите, кога се појави дечко со букет рози, па ѝ пријде на пејачката Мина и ѝ го даде.

А зад него оди друг маж, со прстен во раката и ја запроси. Потоа целата приказна доби друг тек, во некој друг ритам - сите се радуваа што ќе има свадба. Никој не повика полиција.

Потоа се испостави дека Џеј знаел за запросувањето и ги викнал пријателите, но го заборавил тој едниот што пукаше, а овој за да ‘им објасни’ дека не може без него, направи хаос. Потоа се извинуваше што избувнал“, додал Бреговиќ.

Тој вели и дека потоа многу ‘жестоки’ момци му честитале што бил смирен и останал да седи додека траело пукањето и што не се скрил под маса.

„Тие ми честитаат, а јас си мислам - ма каков смирен, јас само имам слаби рефлекси“, ја завршил Бреговиќ својата приказна.

А. Ј. | Црнобело