Павле Васиљевиќ од „Пинкови ѕвездички“ порасна - Се сеќавате ли на слаткото момче што го шармираше регионот?

Детали

недела, 15 декември 2024

„Животот ми се продолжува за 10 минути секојпат кога некој ќе ме праша дали сум оној малиот Павле од ‘Пинкови ѕвездички’,“ вели момчето кој на 6-годишна возраст освојуваше со својот шарм.

Кога во 2014-та година Павле Васиљевиќ од Крагуевац првпат застана на сцената на „Пинкови ѕвездички“, со своето гласче и појава го шармираше жирито, но и сите што го гледаа оваа музичко шоу за деца со талент за пеење.

Десет години подоцна, Павле е пораснат тинејџер, со видно изменет лик.

Токму затоа многумина не го препознаа кога почна да се натпреварува во IDJ Show, каде нашиот Дарко Димитров е дел од жирито.

Павле и понатаму пее одлично и освојува со својот глас, а подеднакво е шармантен и како кога беше дете.

Тој во изјавите често знае да каже дека кога ќе порасне сака да биде вистинска музичка ѕвезда.

И понатаму живее во Крагуевац, оди во средно училиште, а освен што пее, Павле и свири.

Тој на својот Инстаграм често споделува видеа од своите настапи во музичките шоуа, а сега се потсети и на еден свој настап во „Пинкови ѕвездички“, каде што ја пее евровизиската „Лејла“ од Хари Варешановиќ.

Неодамна сподели видео на ТикТок на кое пее, па вели:

„Животот ми се продолжува за 10 минути секојпат кога некој ќе ме праша дали сум оној малиот Павле од ‘Пинкови ѕвездички’“.

А, ја испеа и „Полско цвеќе“ од Тоше Проески, за која доби многу позитивни коментари:

@pvasiljevic

JEDAN JE TOŠE!🤍#toseproeski #poljskocvijece #voiceeffects #fyp

♬ original sound - PAVLE

Погледнете повеќе фотографии и видеа од Павле:

А. Ј. | Црнобело