Првиот сопруг го промени идентитетот и побегна во САД – Бурниот љубовен живот на пејачаката Индира Левак од Colonia
- Детали
- сабота, 27 јули 2024
По низата скандали и малверзации го остави првиот сопруг, а тој побегна во САД со танчарка од нејзината група. Со вториот се разведе по 11 години брак, иако тврдеше дека тие двајца се совршен пар – Што знаеме за Индира Левак, поранешната пејачка на Colonia?
Индира Левак е хрватска пејачка која се прослави како вокалистка на групата Colonia.
Во последните неколку години, откако се откажа од групата, во родната Хрватска беше популарна како една од менторките на тамошната верзија на шоуто The Voice, а привлекуваше внимание и со својот бурен љубовен живот.
Што знаеме за пејачката која најмногу се прослави со хитовите „Све око мене је гријех“ и „Пламен од љубави“?
Родена е во 1973-та година како Индира Владиќ, а татко ѝ ѝ го дал името според индиската премиерка Индира Ганди.
Како дете била мошне темпераментна и често влегувала во конфликт бранејќи ги послабите заради што ја нарекувале „Рамбо“.
Таа често зборуваше дека верува во вистинските морални вредности и за неа семејството имаше големо значење, па тврдеше дека со душа чека да се скраси и да има свое семејство.
Во 2000-та година, по само 6 месеци врска, Индира стапила во брак со Нарцис Мујкиќ.
Ова беше мошне турбулентен брак, а нејзиниот тогашен сопруг честопати беше вклучуван во различни бизнис афери и гласини за неверства.
Тие двајца се разведоа во 2010-та, по 10 години брак, а непосредно потоа Нарцис се ожени со танчарка од групата Colonia, Сара Добраниќ.
Низ хрватските таблоиди имаше гласини дека Нарцис ја изневерувал Индира со Сара додека биле во брак, но никогаш немало потврда за тоа.
Познато е дека тој и Сара заедно се преселиле во Чикаго и таму ја добиле ќерката Реа Жељка.
Продолжува на следната страница...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_106326_400.jpg)
![](https://www.crnobelo.com/media/com_jvrelatives/images/thumbs/com_content_109342_400.jpg)
![](https://www.crnobelo.com/media/com_jvrelatives/images/thumbs/com_content_111289_400.jpg)
![](https://www.crnobelo.com/media/com_jvrelatives/images/thumbs/com_content_106544_400.jpg)
![](https://www.crnobelo.com/media/com_jvrelatives/images/thumbs/com_content_105427_400.jpg)
![](https://www.crnobelo.com/media/com_jvrelatives/images/thumbs/com_content_106137_400.jpg)