Појадував како Новак Ѓоковиќ – Какви се моите впечатоци?

Топла вода со лимон, зелено смути и гранола со овошје… Како вообичаено изгледа појадокот на Новак Ѓоковиќ и каква е реакцијата на девојката што го испробала?

Новак Ѓоковиќ често знае да истакне дека неговиот начин на исхрана во голема мера е еден од главните фактори за неговиот успех.

И иако на многумина им се чини дека овој начин на исхрана е невозможен за обичните луѓе, една девојка на ТикТок се обиде да појадува исто како него.

Таа направи експеримент со кој сакаше да покаже како изгледа вообичаено појадокот на светски познатиот тенисер, кој ѝ го донесе првото олимписко злато на Србија во тенис, а видеото од експериментот го објави на ТикТок.

Корисничката Маријана на својот ТикТок профил @justeatme__, редовно споделува рецепти за здрави оброци и десерти, а во едно од видеата покажа како изгледа појадокот на Ноле.

Кои се нејзините впечатоци?

Топла вода со лимон

Познато е дека Новак посебно внимание обрнува на хидратацијата на организмот, па во една пригода откри дека денот го започнува со топла вода со лимон.

„Денот го започнувам со топла вода со лимон за да му помогнам на телото да се детоксицира и да проработи метаболизмот“ – вели тој.

Во видеото и Маријана го направи истото.

Зелено смути

Во една пригода Ноле откри дека за него зеленото смути е одличен начин набрзина да внесе голем број хранливи материи во организмот и дека обично користи овошје, зеленчук и суперхрана.

Маријана нејзиното смути го направи од спанаќ, краставица, ѓумбир и јаболко, а сама признава дека нема од алгите што Ноле обично ги пие.

Но, според неа вкусот на смутито е одличен.

Гранола со зеленчук

Ноле исто така во повеќе наврати нагласил дека во неговата исхрана го исклучил целосно глутенот и дека тоа направило голема разлика во неговиот живот и кариера.

„Се чувствувам полесно, поенергично, а времето што ми е потребно за закрепнување по натпреварите е значително пократко“ – изјави Ноле.

Маријана се обиде да направи гранола по рецептот на Ноле и беше импресионирана од вкусот.

„Морам да признаам дека ова многу ми се допаѓа. Така што на овој лесен појадок му давам чиста десетка. Ми останува само уште да земам рекет и да играм тенис“ – вели Маријана.

Погледнете го видеото во целост:

@laziccmarijana

Sad sam spremna za sledece olimpijske igre

♬ Mozart Minuet with violin(815356) - 松本一策

Б. С. Б. | Црнобело