Уникатно велигденско чоколадо кое не се продава никаде, а може да го направите сами

Ако имате вишок време и сакате да пробате нешто ново за да измамите насмевка на лицата на домашните, обидете се да ја искористите темата Велигден и да ја преточите во нов десерт.

Велигденското чоколадо може да го подготвите сами, а доброто е што не може да се најде во продажба и не е веќе видено.

Состојки кои ќе ви требаат:

• 3-4 млечни или црни чоколади
• 1-2 бели чоколади
• Чоколадни бонбони во жолта боја

Подготовка:

Прво растопете го млечното или црното чоколадо, зависи какво сте одбрале, на пареа.

Прелијте го растопеното чоколадо на хартија за печење поставена во рамна тава и распоредете рамномерно.

Оставете неколку минути да се стегне, но да остане меко на допир.

Повторете го топењето со белото чоколадо, но овојпат ставајте бели капки врз чоколадната подлога, по можност во облик на јајца.

Во средина на белите капки ставете по една жолта бонбона – и тоа е тоа! Го имате впечатливиот најчоколаден десерт.

Оставете комплетно да се олади, па сечете или кршете на поголеми парчиња.

Може да ги поставите во стаклен сад или да завиткате по неколку парчиња во целофан, за подарок(без контакт).

М. Д. | Црнобело