Принцес ролат - побрза варијанта на принцес крофни

Спонзорирано од:

Product Owner (Skopje) 15-04-2025	Product Owner (Ohrid) 15-04-2025
Product Owner (Bitola) 15-04-2025	Setup Engineer (Skopje) 15-04-2025

Принцес ролат - побрза варијанта на принцес крофни

За сите љубители на принцес крофните имаме одличен рецепт за десерт - принцес ролат.

princes-rolat-pobrza-varijanta-na-princes-krofni-01.jpg

Вкусот на овој ролат е скоро ист како вкусот на принцес крофните, но процесот на подготовка е многу поедноставен.

Дополнително, филот се премачкува врз една кора наместо секоја крофна да се полни поединечно, што ја прави подготовката многу побрза.

Потребни состојки

За тестото:

500ml вода
150 ml масло
4-6 лажици шеќер
250g брашно
6 јајца

За кремот:

400 ml млеко
4 жолчки
80-100g шеќер (по вкус)
10g ванилин шеќер
80g брашно/нишесте
80g путер (на собна температура)

Начин на подготовка:

Во тенџере ставете ја водата, па додадете ги шеќерот и маслото. Оставете водата да зоврие, па тргнете го тенџерето на страна.
Во смесата додајте го брашното, убаво измешајте и оставете ја смесата да се излади 10 минути.
Изматете ја со миксер за уште малку да ја разладите, па почнете да ги ставате јајцата едно по едно.
Обложете ја тепсијата со хартија за печење, па внатре истурете ја и израмнете ја смесата.
Печете во загреана рерна на 200°C околу 30 минути. Ако се зарумени пребрзо, намалете ја температурата на 180°C.
Додека го печете тестото не смеете да ја отворате вратата од шпоретот.
По половина час, изгаснете ја рерната, но не го вадете тестото, туку оставете го внатре уште 10 минути.
За да го подготвите филот, ставете 300ml млеко да зоврие во големо тенџере.
За тоа време во длабок сад измешајте ги 4-те жолчки со ванилин шеќер, шеќер, брашно (или нишесте) и остатокот од млекото (200ml).
Истурете ја оваа смеса во млекото што врие и мешајте додека не се згусне.
Тргнете го тенџерето од шпоретот и покријте го со фолија.
Кога филот ќе се излади, додадете го путерот и матете со миксер за да се спои и да не ви останат грутчиња.
Кремот размачкајте го рамномерно врз изладената кора и свиткајте го во форма на ролат.
По вкус посипете го со шеќер во прав или во филот, пред да го свиткате ролатот, ставете овошје.