Брзо мезе: Ролат од тиквички (полнет со сè што сакате)
Вкусно мезе на кое основата му се тиквички, а филот може да го направите по ваша желба.
Ролатот од тиквички може да биде одлично предјадење, мезе или додаток на главното јадење.
Основата се тиквичките печени на скара или пропржени на грил тава, а филот може да биде по ваш вкус.
Овој рецепт е со рукола, шунка и топено сирење - се прави брзо и многу лесно.
Потребни состојки:
- 2 големи тиквички
- 150g топено сирење (или павлака + мајонез)
- 100g шунка
- 40g суви домати маринирани во масло
- 30g рукола
- ½ кора од лимон
Начин на подготовка:
- Тиквичките исчистете ги и исечкајте ги ленти, дебели 5-6mm.
- Испечете ги на скара или на грил тава, по неколку минути од двете страни за да се заруменат.
- Наредете ги тиквичките врз хартија за печење, малку да бидат една врз друга и формирајте два реда (како на видеото).
- Премачкајте ги со топеното сирење (ако ви е густо можете да го омекнете со 1-2 лажички млеко).
- Врз тоа наредете ја шунката, па руколата и над неа ставете исечкани парчиња суви домати.
- Најгоре изрендајте кора од половина лимон, за да му даде свеж вкус на мезето.
- Цврсто свиткајте ги тиквичките во вид на ролат заедно со хартијата за печење, па оставете го да се стегне во фрижидер еден час.
- Исечете го на подебели парчиња и послужете го.
Видео постапка:
А. Ј. | Црнобело
Би можело да ве интересира:
Брз ролат со плазма и овошје (без печење)
Ако сте љубител на чизкејк, тогаш овој ролат без печење ќе ви се допадне, бидејќ...
Сочна паста со шери домати и фета сирење, во Air Fryer
Паста е секогаш одлична идеја, без оглед дали сакате макарони, шпагети или орзо....
Брз летен ручек: Полнети пиперки со фета сирење и сланина
Сте пробале ли полнети пиперки со сирење и сланина? Ако не, ова ќе ви стане омил...
Божиќните медењаци се традиција во мојот дом во Битола: Како се подготвуваат?
Божиќните медењаци се приготвуваат едноставно и брзо, а притоа се вистинска ужи...
Прсти да излижете: Кремасти шпагети со тиквички во сос од 2 вида сирење
Кремасти шпагети кои се топат во устата... Пробајте го овој италијански рецепт и...
Рецепти за 3 брзи ролати за новогодишната трпеза
Чоко ролат со крем банани, или ролат со кокос... Изберете некои од нашите предло...
Препорачуваме
Најчитани неделава
