Елка од ролати и уште 2 празнични рецепти за поубава божиќна трпеза
Елка направена од мини ролатчиња од зелени палачинки, корнети во форма на елка од полнети тортиљи и чоколадни залчиња со калинка во новогодишни форми - сите три се прават прелесно, а ќе ви ја разубават трпезата за празниците.
Покрај традиционалните специјалитети како печено месо, мрсна сарма, печени компири, руска салата и многу други вкусни јадења, оваа година збогатете ја трпезата.
Ако сакате да вметнете и неколку убаво декорирани јадења во духот на божиќната сезона, ви предлагаме три лесни и едноставни рецепти.
Две солени мезиња и едно прелесно благо кое се прави брзо и нема да ви ги промени многу плановите при подготовка на останатите главни јадења.
Елка од ролати од зелени палачинки
Потребни состојки:
За палачинките:
- 250mlмлеко
- 75g спанаќ
- 2 јајца
- 3 мали лажички масло
- 1 рамна мала лажичка шеќер
- Прстофат сол
- 100-200g брашно
За филот:
- 200g котиџ или крем сирење
- 1 мала црвена пиперка
- 1 мала жолта пиперка
- Снопче свеж копар или друго зеленило
Начин на подготовка:
- Ставете ги во длабок сад сите состојки за палачинките, освен брашното и измешајте ги со рачен блендер (или ставете ги во блендер) додека не се соедини смесата.
- Потоа додавајте постепено брашно и блендирајте додека не добиете соодветно густа смеса (не мора да го ставите цело брашно).
- Испечете ги палачинките од двете страни во нелеплива тава.
- Исечкајте ги пиперките на ситни коцки и измешајте ги во сад заедно со сирењето и копарот додека не добиете соединета кремаста смеса.
- Намачкајте ги сите палачинки целосно со филот, замотајте ги во ролни и пресечете ги на подебели кругови.
- Круговите од ролатот наредете ги на даска во форма на елка.
Кликнете на видеото за да ја погледнете постапката:
Елки од тортиља корнети
Потребни состојки:
За корнети:
- 6 парчиња тортиља
- 1 јајце за премачкување
- Сусам за наросување
За фил:
- 300g пилешко филе, варено и ситно сечкано на конци
- 400g шампињони, пржени и ситно сечкани
- 50g ореви, мелени или ситно сечкани
- 2 јајца, варени и рендани
- 1-2 чешниња лук
- Павлака – неколку лажици за соединување на состојките
- Свеж копар
Начин на подготовка:
- Пресечете ги тортиљите на половина и замотајте ги како корнет, а на крајчето намачкајте малку јајце за да се залепи.
- Наредете ги корнетите во чинија, премачкајте ги со јајце и наросете сусам.
- Ставете ги во сад сите состојки за филот и добро измешајте со павлака додека не се соединат во кремаста смеса.
- Наполнете ги корнетите со филот, со натапкување и измазнување на смесата најгоре.
- Горниот слој извалкајте го во свеж копар додека не се налепи соодветна количина и наредете ги во чинија за послужување.
Кликнете на видеото за да ја погледнете постапката:
Чоколадни залчиња со калинка во новогодишни форми
Потребни состојки (освен силиконски калапи):
- 2 млечни чоколади (може едното да биде бело, другото темно)
- 1 голема калинка, исчистена
- 100g мелени лешници
- Малку кокос или морска сол за наросување
Начин на подготовка:
- Стопете ги чоколадите на пареа, во посебен сад доколку имате и бела чоколада.
- Истурете неколку лажици од стопеното темно чоколадо во калапите за да формирате убав слој, наросете малку лешници и ставете во замрзнувач 10 минути.
- Одозгора додадете уште неколку лажици од стопеното бело чоколадо (или повторно од темното ако не користите две различни).
- Врз стопеното чоколадо ставете зрна калинка насекаде, благо притиснати и најгоре наросете од солта или кокосот, кои ќе имитираат снегулки.
- Замрзнете уште 15 минути и извадете ги од калапите, па сервирајте во убава чинија.
Кликнете на видеото за да ја погледнете постапката:
М. М. | Црнобело
Би можело да ве интересира:
На божиќна трпеза кај Dave’s Kitchen: 6 вкусни рецепти на кои нема да им одолеете
„Користете свежи гранки од зимзелени дрва, шишарки, портокали и многу сијалички ...
Рецепт за мини палачинки со Нутела – ги обожаваат и децата и возрасните
Како да ги подготвите популарните мини палачинки со Нутела, на кои децата не мож...
Рецепт за пита со јаболка како од McDonald’s
Доволно е да прочитате „пита со јаболка од McDonald’s“ и веднаш во устата да го ...
3 рецепти за велигденската трпеза од кујната на Давор (Dave’s Kitchen)
Пилиња од урда, милиброд со џем, пилешко со кари во лиснато тесто - интересни и ...
Два рецепта за сочно роловано пилешко во Air Fryer
Постојат илјадници различни начини на кои можете да подготвите пилешко, а меѓу н...
Брзи празнични колачи со кои ќе ја разубавите новогодишната трпеза
Без оглед дали за празничните денови ќе бидете сами, со семејството или ќе имате...
Препорачуваме
Најчитани неделава
