Лиснати погачици со сладок крем и вишни

Спонзорирано од:

Експерт за кредитирање во фили... 16-09-2024	Експерт за кредитирање во фили... 16-09-2024
Агент за продажба 16-09-2024	Room Department Manager 16-09-2024

Лиснати погачици со сладок крем и вишни

Ова слатко лиснато задоволство е совршено за појадок или ужинка. Дали би го пробале?

Лиснатите погачици, кои потсетуваат на чизкејк, се подготвуваат лесно.

Вкусот останува долго во устата и ве мами да изедете барем уште една...

Потребни состојки:

1 пакување лиснато тесто
50g крем сирење
40g павлака
150g шеќер
1 јајце
Екстракт од ванила (неколку капки)
1 лажица нишесте
1 лажица сок од лимон
250g вишни (свежи или смрзнати)
шеќер во прав (малку за посипување)

Начин на подготовка:

Најпрво подгответе го кремот. Во длабок сад ставете го крем сирењето и матете, па додадете 50g шеќер.
Кога ќе добиете хомогена смеса, додадете ги павлаката, јајцето и екстрактот од ванила.
Смесата распоредете ја во силиконски калапи (како на видеото) и ставете ја во замрзнувач најмалку 2 часа.
Расукајте го лиснатото тесто. Со поширока чаша или калап, исечете го на тркалца, па префрлете ги тркалцата врз плех за печење, обложен со хартија.
Оставете гуи тркалцата од тесто на собна температура за да нараснат.
Кога ќе се стегне филот во калапите, извадете ги и ставете по едно парче во средината на секое тркалце лиснато тесто.
Печете во загреана рерна додека тестото не добие убава златно жолта боја.
Испечените лиснати погачици оставете ги да се оладат, а во меѓувреме подгответе го филот од вишните (претходно исчистени од семка).
Во тенџере на загреана рингла ставете ги вишните и додадете 100g шеќер. Промешајте, па кога шеќерот ќе почне да се топи додајте и 1 лажица нишесте и сокот од лимон.
Варете на средна температура додека смесата да се згусне.
Ставете по 1 лажица од филот врз секое лиснато тесто.
На крајот посипете ги со малку шеќер во прав, но само врз тестото, а не и преку филот, па послужете ги.