Не јадете јаглехидрати, брзите диети се ефикасни - 10-те најлоши совети за слабеење кои ќе ги добиете

Ако ги исфрлите јаглехидратите, вашето тело може да помисли дека гладувате, па нема да ги троши калориите кои ги внесувате со останатата храна, туку ќе се обиде да ги таложи.

Ако се обидувате да изгубите некој килограм, сигурно сите веќе имаат по некој предлог како да ја постигнете целта.

Но, најважно е да го слушате телото, како тоа реагира на промените на исхраната и да знаете дека овие 10 совети за слабеење никогаш не треба да ги послушате:

1. Не сите активности се сметаат како вежба

Сосема погрешно. Додека сте на нозе и се движите – ги вежбате мускулите. Вистина е дека не сите активности и вежби делуваат исто и со подеднаков интензитет, но најважно е да сте во движење.

2. Исфрлете ги јаглехидратите од менито

Ова е една од тезите која никако не умира. Ако целосно ги исфрлите јаглехидратите, вашето тело може да помисли дека гладувате, па нема да ги троши калориите кои ги внесувате со останатата храна, туку ќе се обиде да ги таложи.

3. Исфрлете ги маснотиите

Слична приказна. Маснотиите не се непријатели ако знаете да препознаете кои се здрави, а кои не.

4. Одредена храна ви е комплетно забранета

Ако никогаш не се наградувате со мала количина од храната која ви е „забранета,“ многу полесно ќе ја изгубите мотивацијата за слабеење.

5. Не јадете по 18 часот

Додека кај некои луѓе овој совет има логика и ефикасност, за други е ужасен. Нутриционистите велат дека додека внимавате што ставате на чинијата, времето нема толкава улога.

6. Вегетаријанството автоматски ќе ве направи слаби

Повторно, не ве дебелее само видот, туку и количината на храната. Покрај тоа, многу калорични вегетаријански намирници можат да ве здебелат ако претерате со јадење. 

7. Најдобри се брзите диети

Брзите диети го исцрпуваат телото и многу побрзо носат до јо-јо ефект, па долготрајната ефикасност не лежи во нив.

8. Земете пилули или чај за слабеење

Генерално, ова е лоша идеја. Пиењето на магични апчиња и чаеви нема да го потисне фактот дека се храните нездраво.

9. Наполнете се со течности

Преголемата количина од што било – е лоша.

10. Целосно исфрлете го лебот од исхраната

Ако го исфрлите лебот, голема е веројатноста да го замените со уште помасна храна.

М. Д. | Црнобело