Го намалува холестеролот и помага во слабеење: Зошто треба да ја пробате медитеранската диета?

Со медитеранскиот начин на исхрана, не треба да воведете многу ограничувања – многу поважно е да бидете умерени со она што го јадете. Притоа, овој начин на исхрана докажано го намалува холестеролот, па и ризикот од инфаркт.

Медитеранската диета не е класична диета за брзо слабеење, туку претставува цел начин на исхрана.

Овој начин на исхрана е чест во земји како Грција, Италија и Шпанија, па дури и кај нас бидејќи голем дел од продуктите што се консумираат ги има на нашето поднебје.

Што значи, за да го следите овој начин на исхрана, не мора да купувате скапи намирници или да правите многу експерименти во кујна.

Истражувањата покажале дека овој начин на исхрана може да го намали ризикот од инфаркт и генерално да го подобри здравјето на срцето.

Истовремено, во комбинација со физичка активност, овој начин на исхрана може да ви помогне да ги намалите килограмите и да ја одржувате оптималната тежина.

Медитеранскиот начин на исхрана вклучува многу овошје и зеленчук, риба, како и млечни производи, пилешко и јајца во помали количини.

Дозволено е и пиење вино, исто така во умерени количини.

Секако, можете да јадете и слатки и други видови месо, но не треба да претерате, односно да не ги јадете неколкупати неделно.

Ако размислувате да го пробате овој начин на исхрана, веројатно на почетокот ќе ви биде тешко да се снајдете.

Но, за Daily Mail, тројца нутриционисти споделуваат кои се главните работи што ви требаат за да почнете со овој начин на исхрана.

Нивните совети во продолжение:

Купувајте многу зеленчук и овошје

Од зеленчук и овошје можете да купите јаболка, брокула, карфиол, краставици, урми, смокви, грозје, лубеница, печурки, кромид, портокали, круши, праски, пиперки, спанаќ, домати…

Најдобро е да ги јадете свежи, но слободно купувајте ги и замрзнати.

Овие намирници се богати со хранливи влакна, а имаат и многу вода, што значи се дигестираат побавно и ќе ве држат сити подолго време.

Исто така, овошјето и зеленчукот имаат и многу антиоксиданти.

Треба секој оброк да ви содржи нешто од овие намирници.

Контролирајте го холестеролот со јаткасти плодови

Експертите советуваат во медитеранската исхрана да вклучите и јатки и мешунки, како бадеми, грав, интегрален ориз, наут, ленено семе, лешници, леќа, овес, грашок, семки од тиква, сусам, семки од сончоглед, ореви…

Овие намирници не само што го намалуваат холестеролот, туку имаат и многу протеини.

Истовремено, богати се со Б витамини, магнезиум и бакар.

Препорачливо е да консумирате јатки и мешунки барем трипати неделно.

Продолжува на следната страница...