„Ослабев откако почнав да јадам по 5.000 калории дневно – консумирам само месо и јајца“

Жена од Англија вели дека го добила телото од соништата откако почнала да јаде само храна од животинско потекло, притоа внесувајќи 5.000 калории дневно. Но, лекарите предупредуваат дека овој начин на исхрана не е без последици.

Веганите се луѓе кои консумираат само продукти од растително потекло.

Од друга страна, постојат и луѓе кои консумираат производи стриктно од животинско потекло, како месо и јајца.

Нивната исхрана не вклучува ништо од растително потекло, што значи тие го избегнуваат секој вид овошје или зеленчук.

Овој начин на исхрана не е воопшто препорачлив, а бидејќи сè почесто се промовира на ТикТок, многу експерти искажуваат загриженост.

Рејчел Ешби од Англија има 41 година и го следи овој начин на исхрана, а тврди дека токму ова ѝ помогнало да се ослободи од вишокот килограми и да се чувствува поздраво.

Рејчел, која е и мајка, вели дека нема купено никакво овошје или зеленчук веќе четири години, и тоа ниту за нејзините четири деца.

Нејзиното дневно мени се состои од големо количество месо, како и повеќе од 100 грама путер.

Вели дека редовно оди во теретана, но дека не мора да вежба многу напорно бидејќи од месото, мускулната маса сама ѝ се зголемила.

Рејчел го следи овој начин на исхрана од 2019-та, откако со години пробувала разни диети, но безуспешно.

„Сега не се изгладнувам и никогаш не чувствувам глад.

Можам да јадам колку што сакам, додека претходно го игнорирав чувството на глад“.

Рејчел пред да почне да слабее

Нејзината исхрана вклучува месо, риба, јајца, масти од животинско потекло (како путер) и мало количество млечни производи.

Воопшто не внесува овошје, зеленчук, житни продукти, семиња, јаткасти плодови или мешунки.

А, вели и дека секој ден консумира околу 5.000 калории.

„За појадок јадам 10 јајца со путер и сол. За ручек јадам килограм пилешки крилца приготвени во air fryer, а некогаш додавам и путер.

За вечера често јадам бифтек, а ако сум имала понапорен ден, јадам и до три парчиња зготвени во путер“.

Рејчел тврди и дека забележала промени во менталното здравје, најмногу бидејќи конечно го добила телото од соништата.

Но, експертите не се согласуваат со тврдењата на Рејчел и другите како неа и предупредуваат дека со овој начин на исхрана, го лишуваме организмот од клучни хранливи материи, како витамин Ц.

Исто така, некои истражувања покажале дека јадењето премногу месо, како Рејчел, значително го зголемува ризикот од рак на цревата.

Овој начин на исхрана не содржи ни хранливи влакна кои исто така се неопходни за здравјето на организмот.

Јадењето само продукти од животинско потекло може да го покачи холестеролот и да го зголеми ризикот од камења во бубрезите.

Поради зголемениот внес на протеини, може да се јави и проблем со функцијата на бубрезите.

Спирова С. | Црнобело