Појадок за слабеење – со кои продукти ќе ги изгубите килограмите двојно побрзо?

Доколку сакате да го симнете вишокот килограми, немојте да го прескокнувате појадокот. Иако многуте новопрокламирани диети и режими на исхрана советуваат дека појадокот е преценет и слободно може да го заборавите, истражувањето објавено во „International Journey of Obesity“ го докажува спротивното.

Имено, јајцата се одличен сојузник во борбата против килограмите. Во текот на двомесечното истражување биле испитувани 2 различни групи на луѓе коишто биле на диета. Едната група консумирала јајца за појадок, додека другата печива.

Интересно е да се напомене дека и двете групи го внесувале истиот број на калории за време на оброкот, но во 65% од случаите повеќе килограми изгубиле мажите и жените кои јаделе јајца за појадок.

Тие изјавиле и дека имаат повеќе енергија за разлика од испитаниците кои денот го започнувале со јаглени хидрати, односно бели печива, чиј индекс на телесна тежина бил намален помалку за разлика од групата која консумирала јајца.

Овие резултати не треба да нè зачудуваат, бидејќи јајцата се сметаат за одличен извор на белковини кои заситуваат и го спречуваат прејадувањето во останатиот дел од денот.

Помагаат во регулирањето на добриот холестерол и богати се со витамин Б12 кој овозможува нормално функционирање на повеќе делови во организмот.

Треба да имате предвид дека 1 јајце содржи околу 160 калории, но и дека оваа бројка се зголемува со термичката обработка, односно дали јајцето е варено, печено или пржено на путер или масло.

За држењето диета, сепак најпрепорачливо е да се јадат варени јајца во комбинација со зеленчук, односно салата.

Прочитајте повеќе за неверојатните ефекти на „Јајце диетата“.

(О)Милена | Црнобело