Славни парови кои заедно станаа вегани

Oткажувањето од исхраната со производи oд животинско потекло, претставува чекор што го поддржуваат и мноштво холивудски ѕвезди.

Од здравствени причини, за повитка линија, или, пак, поради лични убедувања, дел од познатите фаци донесоа баш ваква одлука.

А, нивните емотивни партнери ги поддржаа, така што и самите тие им се придружија.

Ова се славните парови кои заедно станаа вегани:

Мајли Сајрус и Лиам Хемсворт

Поп ѕвездата донесе одлука да премине на веганска исхрана во 2014 година.

Во разговорот за магазинот „Paper“, откри дека поттик ѝ била страшната трагедија што му се случила на кучето Флојд. 

Оттогаш, пејачката се има целосно откажано од животинските производи.

По тој повод, Мајли Сајрус почна да одгледува прасенце како милениче, а си истетовира и сончоглед на раката, декларирајќи се како веган за навек.

При гостување во емисијата „The Tonight Show with Jimmy Fallon“, популарната изведувачка го даде следниот коментар за животните:

„Сфатив дека тие се интелигентни суштества.“

 Година дена подоцна, нејзиниот вереник Лиам Хемсворт ѝ се придружи на саканата.

На новинарите им сподели дека откако го проучил суровото постапување кон животните, веќе не можел да стави ни парче месо во устата.

Колку повеќе осознавал на темата, толку поголем станувал отпорот на глумецот.

„Имам многу пријатели кои се вегани. Вуди Харелсон, кој цели триесет години се храни на овој начин, ми беше еден од главните мотиватори и јас да го тргнам по неговите стапки. Почувствував дека мора да направам нешто поразлично.“

Жизел Бундшен и Том Брејди

Во менито на манекенката и спортистот не изостануваат само шеќерот и солта, туку и намирниците од животинско потекло.

Но, затоа има изобилство од јадења на растителна база, како што е вегетаријанското суши или порција киноа.

Жизел Бундшен призна во интервјуто за магазинот „People“ дека со Том Брејди се вегани повеќе години.

„Го обожаваме овој режим на исхрана. Не е добар само за здравјето, туку и за планетата.“

За волја на вистината, сопругот на моделката e само делумно веган.

Во текот на зимата, консумира диетално месо, додека остатокот од годината се воздржува од сите животински производи.

Бијонсе и Џеј Зи

Во 2013 година, поп кралицата и раперот заедно го прифатија предизвикот – 22 дена без храна од животинско потекло. Бијонсе и Џеј Зи ја споделија одлуката на социјалните мрежи, будејќи огромен интерес во јавноста.

Пејачката веднаш ги забележала промените. Нејзиниот сон се подобрил, кожата ѝ станала почиста и посјајна, а имала и повеќе енергија.

„Прво што приметив беа малите нешта. Важно е да се знаат придобивките од диетата базирана на растителни продукти. Да поминуваме повеќе време сакајќи се себеси, што значи подобра грижа за себеси, преку квалитетна исхрана и правење поздрави избори на оброци.“

Иако двојката се врати на вообичаената исхрана веднаш по предизвикот, Бијонсе пак стана веган во 2018 година, подготвувајќи се за настапот на Коачела. Знаете ли што јадеше 44 дена?

Елен Деџенерис и Порша де Роси

Телевизиската водителка соопшти дека станала веган во една од нејзините емисии во 2008 година.

На таков потег се решила по гледањето на документарниот филм „Earthlings“, кој зборува за потполната човечка зависност од животните.

Во изјавата дадена за Yahoo, таа го опиша пресудниот момент:

„Отсекогаш се нарекував себеси љубителка на животните. Но – го јадев нивното месо. Во една прилика ми кажаа дека ако ги чувам, тогаш ќе знам што имам на трпезата. И никогаш повеќе не би каснала пилешко. Од тој момент нешто се промени кај мене.“

Нејзината партнерка ѝ се придружи нешто подоцна, префрлајќи се и таа на храна од растително потекло.

Ова се случи откако двете се преселија на фарма во Калифорнија.

Постојаниот контакт со животните и околната природа, биле пресудни за Порша де Роси да се реши на одлучувачкиот чекор.

„Mислев дека тешко ќе ми биде. Ама, навистина немам глад за месо, а ни сирење. Се чувствувам посреќна, бидејќи придонесувам кон тоа светот да биде помалку насилно место.“

 М. А. | Црнобело