Најголемите грешки кои се прават за време на диетата

Многу работи што мислиме дека ги знаеме за диетата не се точни, па не ги добиваме саканите ефекти.

Затоа научниците побиле неколку главни правила на диетата.

Прескокнете го појадокот ако сакате

Едно од најпознатите правила е дека појадокот не смее да се прескокне. Вистина е дека ниту еден оброк не е најважаен. Најважно е да се внесат онолку калории колку што му се потребни на организмот во текот на денот.

Во ред е ако вечерата ви е обилна

Неколку различни истражувања за тоа дошле до ист заклучок: времето во кое јадете не е важно. Нема да се здебелите ако јадете доцна навечер – тоа ќе се случи само ако јадете премногу навечер.

Бројот на оброци не делува на метаболизмот

Се препорачува да се јадат повеќе помали оброци во текот на денот. Но, француските истражувачи дошле до заклучок дека таквиот начин на исхрана не дава подобри резултати.

Внесувајте јаглени хидрати

Јаглените хидрати долго време се сметани како главни виновници за дебелеењето. Меѓутоа, ако ги исклучите потполно, хормоните кои го регулираат губењето на тежината може да се пореметат, па на тој начин потешко ќе ја намалите тежината.

Вежбајте на празен стомак

Важно е да јадете пред да вежбате, но тоа „пред“ не значи „непосредно пред“, бидејќи од една стана ќе ви биде тешко за време на вежбањето, а од друга страна, хранливите материи нема да стигнат бргу до мускулите.

Протеини секогаш

Ако сте здрави, можете да внесувате колку што сакате протеини без опасност по вашето здравје. Протеините добро делуваат на метаболизмот.