„Предметот ликовна уметност ми беше омилен во училиште и дури сега сфаќам дека целиот мој живот дека ми се допаѓало сè што е поврзано со уметност и креативност и дека тоа е еден од моите таленти. Во скандинавскиот стил во мојот дом дополнив топли ќебенца и перничиња за да се создаде пријатна атмосфера“, открива  за CRNOBELO.com Ариана Мемети (30), која е родена во Куманово, а живее во Австрија.

„Кога станува збор за тоа на кој начин се одлучив за розовата боја, сакав да е нешто тренди во моментот, во исто време да е нешто нежно и женствено, да делува отмено, а најважно од сè да внесе живот и свежина во мојот дом“, раскажува Александра Стојанова од Скопје, одделенски наставник во основно училиште.

„Во овој стан живееме веќе 3 години и уживаме буквално во секој агол, затоа што уредувањето ни претставуваше вистинско задоволство. Не можам да не признаам дека поголем печат на уредувањето имаше мојот сопруг, но навистина има вкус за дизајн и ентериер, така што без двоумење ги прифатив неговите идеи“, вели Ирена (32) од Скопје за станот во кој живее со сопругот и ќеркичката.

„Јас бев архитектот задолжен за уредување на мојот семеен дом. Најмногу уживав во дизајнирањето на спалната соба. Ги сакам темните тонови и сакав во една просторија да преовладуваат темните нијанси“, раскажува Ивана Никова (24) за уредувањето на семејната куќа од 100 m² во Струмица.

„Првично, што сакав е да има цигла на ѕидот во дневниот простор, па по тој декор се водевмe и за останатите простории. Кујната е во рустичен стил, одделна е од другите простории и навистина е голема. Во неа има доволно место за сè.“, раскажува Маја (34) од Скопје, по професија адвокат, за станот во кој живее со сопругот и ќерката Фрида.

„Од шивачките машини на баба ми направив трпезариска маса на која сум горда, а останатиот дел од мебелот ми е купуван парче по парче бидејќи обожавам различни стилови вклопени во една композиција. Секое утро пиеме кафе со најубавиот поглед во градот – познатиот баир Свети Илија и Царевите кули“, вели Љупка Абрашева Ѓоргев, менаџер во приватна здравствена установа, од Струмица за CRNOBELO.com.

„Со оглед на тоа што собата е на поткровје и има кос плафон ќе беше голема штета да не ја искористевме највисоката страна за нешто на две нивоа. Композицијата низок кревет и платформата за игра се фокусна точка и наш омилен дел во собата“, вели Ивана Лазаровска од Скопје за уредувањето на собата на нејзината ќеркичка.

„Нашиот дом го реновиравме и доградивме пред три години и поголемиот дел од куќата ги изработивме сами јас и сопругот, без голема помош од мајстори, на што сме особено горди. Подот на првиот кат е целосно со плочки, за кои сметаме дека се одлични бидејќи се лесни за одржување и благодарение на подното греење секогаш топли и погодни за деца“, вели Кристина Петковска (34) од Скопје.

„Ентериерот во ателјето е изведен од микро цемент. Ѕидот е имитација на мермер а подот и делот во сводовите и изведен од бетон. Спуштениот плафон со индустриски стил на светла се надоврзува на останатиот стил.“, вели дизајнерката Моника Коцарева Ергич за уредувањето на ателјето, кое зрачи со префинетост и елеганција.

„Отсекогаш знаев дека еден ден кога ќе имам сопствено живеалиште ќе сакам да доминираат ретро елементи. Имаме чајници од баба ми, витрина од дедо му на Ѓоко, како и две уникатни радија кои ги обожаваме и кои ни се подарок од дедо ми. Едното е од 53-та, а другото од 56-та година...“, раскажува Кристина од Скопје, доктор на Клиниката за неврологија, за станот во Скопје каде живее со сопругот Ѓоко.

Комбинацијата на бела боја и дрво е вистински погодок во топлиот стан на Емилија од Полска, зарем не?

Ресторан на тајна локација, во кој има само една скриена маса за да уживате во интимноста, а пред вас ќе има совршен поглед кон Венеција. Со кого би го посетиле ресторанот Ai Barbacani за да ја искусите убавината на градот?

„Во дневната соба ставив посебен акцент на висечката ТВ комода која дава свежина на сиво - црните елементи во просторијата, а од особена важност ми се постерите над софата кои ги менувам во зависност од годишното време и бојата која сакам да ја искористам како декор за да го освежам просторот“, вели Елена Илиевски (29) за CRNOBELO.com за уредувањето на нејзиниот стан во Германија.

„Јас не го преферирам модерното во уредувањето на домот, не сум модерна девојка, во мене тлее стара душа, ги ценам работите и луѓето според тоа колку душа носат во себе, па тоа се отсликува и во стилот на мојот дом“, вели Моника Каранфилоска за нејзиниот дом, за кој вели дека е во најубавата зграда во Капиштец.

Има толку многу станови и ентериери кои кружат по Инстаграм со хаштаг #aesthetic, но овој светол дом кој го впива секој зрак сонце е вистинската дефиниција за естетика, минимализам и удобно секојдневие...

„Сакав во поголемиот дел од собата да преовладуваат неутрални, светли бои и тонови, затоа што многу полесно претрпуваат промени. Дрвените елементи ми се омилените детали во собата на Калин“, раскажува Маја за CRNOBELO.com.

Замислете дека се капете во џакузи на тераса опколена со огромни дрвја... Изгледа како сцена од соништата, зарем не?

„Постоењето на сентиментална вредност во просторот за мене е предуслов за топол дом, и затоа сингерицата (стара машина за шиење) и кристалните вазни на баба ми имаат централно место“, раскажува Емилија Еггер (34), Доктор на науки и универзитетски професор.