На гости кај Јована: Стан во Скопје со бели кујнски апарати и впечатлива маса од масивно дрво (фото)

Детали

сабота, 28 мај 2022

„Кујната е изработена од бел мат медијапан по нарачка со бела вградена техника, дрвена работна површина и мермерни ѕидни плочки. Трпезариската маса ми е омилен елемент и е онаква баш каква што ја имав замислено да биде од масивно дрво и асиметрична, но најомилено катче дефинитивно ми е собата на мојот син Карло...“, раскажува за CRNOBELO.com Јована Стилиновиќ (27), која со сопругот и синот живее во стан во скопската населба Автокоманда.

Јована Стилиновиќ (27), мајка на 11-месечно бебе и дипломиран менаџер по бизнис логистика со завршена академија по графички дизајн, моментално вработена во маркетинг компанија како графички дизајнер. Приватно работи како графички дизајнер со наши и странски клиенти и е сопственик на мал бизнис за персонализирани постери.

Таа живее во скопската населба Автокоманда во стан од 62 метри квадратни со сопругот Стјепан и 11-месечниот син Карло, а на својот Инстаграм профил споделува детали од уредувањето на домот.

Околу уредувањето на домот Јована открива за CRNOBELO.com:

„Идејата и инспирацијата за домот ја црпев од Инстаграм и Пинтерест. Како и во работата, така и во уредувањето на домот отсекогаш сум била заљубена во минимализмот и едноставноста.

Секогаш имав желба да имам дом кој ќе биде уреден во минималистички и скандинавски стил со нежни и неутрални тонови, кои ќе даваат топлина во домот.

Со реновирање на станот започнавме после 2 месеци откако дознав дека сум бремена.

Бидејќи си имав замислено како сакам да ми изгледа секоја соба, речиси 70% од мебелот во станот е изработен по нарачка.

Кујната е изработена од бел мат медијапан по нарачка со бела вградена техника, дрвена работна површина и мермерни ѕидни плочки.

На почеток се мислевме на подот да ставиме плочки, но естетски немаше да изгледа убаво бидејќи кујната е отворена и решивме да одиме со ламинат низ целиот салон (кујна, трпезарија и дневна соба).

Продолжува на следната страна...