На гости кај Марија: Семејна куќа во Скопје од 120m2 со софа од бафало кожа и маси од орев (фото)

Детали

сабота, 12 октомври 2024

„Масите и комодата се од орев и се совршено обработени. Софата е од бафало кожа, која од година во година станува сè поудобна за седење, а во дневната омилен ми е ѕидот од цигли“, вели Марија Тодоровска за CRNOBELO.com.

Марија Тодоровска, сопруга и мајка на Калин и Илона, по потекло oхриѓанка, годинава заокружува 16 години живеење во Скопје.

По професија е дипломиран социјален работник, но како сплет на околности работи сосема друга професија - маркетинг асистент и вели дека ужива во неа.

Со семејството живее во куќа од 120m2 во Жданец.

Во уредувањето на нејзиниот уникатен дом доминира дрвото.

За CRNOBELO.com Марија споделува детали за уредувањето:

„Домот за мене е асоцијација на мир и спокој, место каде ќе се сплотиш со своите најблиски.

За уредувањето на нашиот дом, кој се наоѓа во убавата и мирна населба Жданец, јас и мојот сопруг одлучивме експресно брзо.

Нашите вкусови се преклопија и подготовката започна и заврши за само еден месец.

Препознатливиот бохо стил преовладува насекаде.

Топлите бои и нијанси на кафеаво-бела боја се простираат на сите 120 метри квадратни.

Масите и комодата се од орев, кои се совршено обработени.

Изборот за ламинат, кој има скоро идентичен изглед на паркет, е вистински погодок за нас.

Продолжува на следната страница...