8 совети што ќе ви помогнат да се заштитите во сезоната на настинки и грип

Секојдневно бришете ги површините што ги допирате често, како брави и далечински управувачи, а ако сте во ризична група, разговарајте со матичниот и за вакцина.

Со есента и постуденото време, доаѓа и сезоната на настинки и грип.

Бидејќи овој период поретко проветруваме, а и минуваме повеќе време на затворено, ризикот да се заразиме од вирус на настинка или грип е значително поголем.

Во продолжение, неколку совети што ќе ви помогнат да се заштитите:

Вакцинирајте се

Вакцинирањето против грип не е задолжително, но ако сте во ризична група сепак е препорачливо.

Односно, ако поради проблеми со здравјето постои ризик да ви се јават компликации од грип, консултирајте се со вашиот матичен за вакцинација.

Во ризична група спаѓаат луѓе со хронични заболувања на белите дробови, како астма, луѓе со дијабетес, луѓе со ХИВ…

На поглем ризик од зараза се изложени луѓето кои работат во здравствени установи, но и оние кои се во згрижувачки дом за стари лица, градинки и слично.

Редовно мијте ги рацете

Ова е најефикасниот начин да се заштитите.

Пo секое излегување темелно мијте ги рацете, како што правевме за време на пандемијата.

Ако сте излезени подолг период, препорачливо е да користите и средство за дезинфекција на раце, особено ако сте биле во јавен превоз, болница и слично.

Редовно мијте се раце и пред секој оброк, но и пред да ја подготвите храната за да го спречите ширењето на вирусите.

Пијте многу вода

Кога телото е хидрирано, тогаш полесно се справува со болестите.

А, дури и ако сте се разболеле, пијте многу вода за да спречите дехидратација.

Зајакнете го имунитетот

Зајакнете го имунитетот со природни сокови, па и додатоци со суплементи ако има потреба.

Кoга станува збор за вашите деца, секогаш консултирајте се со лекар пред да им дадете суплементи во витамини.

Со силен имунитет, нема да чувствувате сериозни симптоми, дури и ако имате настинка или грип.

Хранете се здраво

И исхраната има влијание врз имунитетот.

Внесувајте доволно протеини кои се клучни за создавањето бели крвни зрнца.

Исто така внесувајте храна со антиоксиданти, како и храна со пробиотици која може да биде да ги намали симптомите на стомачните вируси.

Не заборавајте да се релаксирате

Стресот докажано има влијание врз имунитетот и здравјето воопшто.

Па, не заборавајте по напорниот ден на работа да се релаксирате барем половина час.

Спијте доволно

И сонот е неопходен за добро здравје, па осигурете се дека спиете барем седум часа секоја вечер.

Децата, пак, имаат потреба и од повеќе сон – на школска возраст, и до десет часа.

Редовно чистете го домот

Не е доволно само да ги миете рацете по излегување – неопходно е и редовно да го чистите домот.

Површините што ги допирате секојдневно, како маси, брави, далечински управувачи и слично е препорачливо да ги пребришувате секој ден.

Спирова С. | Црнобело