Спонзорирано од:
Спонзорирано од ОгласиЗаРабота.мк


Што ќе се случи ако секоја вечер спиете помалку од 7 часа?

Дебелеење, но и проблеми со кожата, како акни и црвенило – со што сè ќе се соочите ако подолг период спиете помалку од седум часа навечер?

shto-kje-se-sluchi-ako-sekoja-vecher-spiete-pomalku-od-7-chasa-01.jpg

Квалитетниот сон е неопходен за целокупното здравје – и физичко, и ментално – иако денес многу луѓе имаат навика да го жртвуваат спиењето.

Спиењето има влијание врз буквално сè, вклучувајќи ги метаболизмот, функцијата на мозокот, па и расположението.

Часовите сон што ни се потребни варираат во зависност од возраста.

Новороденчињата треба да спијат најмногу, и повеќе од 12 часа, додека за возрасните потребни се најмалку седум часа сон.

Доколку долг период не спиете доволно, кога-тогаш ќе се соочите со низа проблеми.

Дел од неочекуваните проблеми кои може да се појават:

Хормонални промени

Кога не спиете доволно, се нарушува хормоналната рамнотежа во телото.

Во овој случај телото лачи повеќе кортизол, познат и како стрес хормон, што може да предизвика разни проблеми во организмот.

Се менува количеството и на други хормони кои контролираат разни функции во организмот - од апетит, до расположение.

shto-kje-se-sluchi-ako-sekoja-vecher-spiete-pomalku-od-7-chasa-02.JPG

Проблеми со кожата

Високото ниво на кортизол може да го зголеми ризикот од разни кожни проблеми, како егзема, акни, црвенило…

Исто така, недостатокот од сон има влијание и врз дотокот на крв до кожата, со што се менува нејзиниот изглед.

А, сигурно и самите имате забележано кога не сте наспани, кожата ви делува уморно и бледо

shto-kje-se-sluchi-ako-sekoja-vecher-spiete-pomalku-od-7-chasa-03.JPG

Кршливи нокти

Ова е поредок симптом, но во истражување со 2.175 испитаници, околу 15% од оние кои не спиеле доволно забележале дека им се менува состојбата на ноктите, односно им станале покршливи.

shto-kje-se-sluchi-ako-sekoja-vecher-spiete-pomalku-od-7-chasa-04.JPG

Дебелеење

Веќе спомнавме дека кога не спиете доволно, се јавува хормонална нерамнотежа која, пак, влијае и врз апетитот.

Се зголемува количеството на хормонот грелин поради што ќе чувствувате глад.

Истовремено, се намалува количеството на хормонот лептин чија задача е да го регулира апетитот.

Поради ова, со недоволно сон, поверојатно е да јадете повеќе и со текот на времето да се здебелите.

shto-kje-se-sluchi-ako-sekoja-vecher-spiete-pomalku-od-7-chasa-05.JPG

Проблеми со регулирање на телесната температура

Уште еден неочекуван наод од поновите истражувања е дека недоволниот сон може да ја наруши способноста на телото да си ја регулира температурата.

Поради ова, може да забележите дека дланките и стапалата ви се постудени и да ви биде потешко да се стоплите.

shto-kje-se-sluchi-ako-sekoja-vecher-spiete-pomalku-od-7-chasa-06.JPG

Дигестивни проблеми

Сонот има влијание и врз дигестивниот систем.

Истражувањата покажале дека луѓето кои не спијат доволно почесто се соочуваат со проблеми како констипација.

shto-kje-se-sluchi-ako-sekoja-vecher-spiete-pomalku-od-7-chasa-07.JPG

Погледнете и: Што (негативно) ќе се случи со вашето тело ако спиете повеќе од 9 часа навечер?

Спирова С. | Црнобело

Би можело да ве интересира:

Положби на спиење кои помагаат при разни проблеми со здравјето Ако имате проблеми со дигестивниот систем, како киселини, најдобро е да спиете с...
Како да ги заштитите малите деца од сонце и кога да почнете да користите крем со фактор? Откако вашето бебе ќе наполни 6 месеци, време е да воведете крем со фактор. Ова ...
Констипација кај деца – совети и трикови како во домашни услови да им помогнете Погрижете се вашето дете да пие доволно количина вода во текот на дено...
Здрави положби за спиење кои многу луѓе не ги практикуваат (или не ги знаат) По долгиот и напорен ден, здравиот сон од барем 6 часа, без будење и прекинување...
Промени на телото кои можат да бидат знак за проблем со здравјето Темните дамки на вратот и под пазувите некогаш се знак за високи ниво на прогест...
Од тагата страдаат белите дробови, од стравот бубрезите – Како емоциите влијаат врз органите во тело... Според традиционалната кинеска медицина емоциите се длабоко поврзани со здравјет...

Најчитани неделава

sonovnik-sidebar.jpg