Што ќе се случи со вашето тело ако секој ден јадете по 3 урми?

Го намалуваат лошиот холестерол, помагаат за полесно породување кај бремените жени. Во што сѐ може да ви помогне редовната консумација на урми и како може да ги јадете доколку не ви се допаѓа нивниот вкус?

Урмите е најдобро да ги јадете наутро, бидејќи се извор на енергија.

За нив се вели дека се најздравото овошје кое помага за многу болести.

Содржат влакна, магнезиум и бакар.

Урмите обезбедуваат антиоксиданти, влакна и бројни хранливи материи.

Тие содржат калиум, еден од најважните минерали присутен во човечкото тело. Го регулира балансот на течности, мускулните контракции и нервните сигнали.

Кога нивото на калиум е ниско, главните функции на телото се засегнати, што доведува до ниски нивоа на енергија, грчеви во мускулите и физички и ментален замор.

Урмите во себе содржат ниско ниво на шеќер па поради тоа се препорачуваат и во секоја диета и не предизвикуваат нагло покачување на шеќерот во крвта.

Се препорачуваат и за оние кои имаат покачен холестерол бидејќи токму овие здрави слатки плодови го намалуваат лошиот холестерол во организмот.

Многу експерти ги препорачуваат урмите и на оние кои имаат одреден вид на срцеви заболувања.

Урмите се најздрави доколку ги оставите една ноќ потопени во вода.

Наутро треба да ги исчистите од семките, а доколку не сакате да ги јадете сирови во тој случај сомелете ги во блендер заедно со вода.

Неколкупати дневно консумирајте една лажица од оваа смеса за зајакнување на имунитетот.

Освен што се богати со калиум, урмите го намалуваат крвниот притисок и го одржуваат здравјето на нервниот систем.

Овие слатки плодови се и одличен извор на железо. Се препорачува дневно да јадете околу 100 грама урми за подобрување на железото во крвта.

Тие се препорачуваат за бремените жени бидејќи се верува дека придонесуваат за брзи и безболни контракции (но само доколку е тоа потребно зависно ситуацијата и бременоста).

Урмите се исто така добар извор на витамини од групата Б.

Урмите спречуваат запек, надуеност и ја регулираат работата на цревата.

Исто така влијаат и против стареењето бидејќи делуваат против слободните радикали во телото.

Се препорачува да јадете барем по три урми секој ден доколку сакате да бидете здрави и енергични.

Напомена: Сепак, доколку се соочувате со некаков здравствен проблем, не ги гледајте урмите како лек и задолжително консултирајте се со доктор дали е препорачливо да ги консумирате, бидејќи зависно секоја состојба - може да делуваат позитивно, но и да имаат спротивен ефект. 

В. К. | Црнобело